კონკურსის რიგით მეთერთმეტე „ევროკავშირის პრიზი ჟურნალისტიკაში 2022'' დაჯილდოების ცერემონიალი 2023 წლის 3 თებერვალს გაიმართა.
საქართველოში ევროკავშირის ელჩმა, პაველ ჰერჩინსკიმ 7 საპრიზო კატეგორიაში 2022 წლის გამარჯვებული ჟურნალისტები დააჯილდოვა. კატეგორიები მოიცავდა ბეჭდურ, სამაუწყებლო, ონლაინ და ფოტო ჟურნალისტიკას. ხოლო, ევროკავშირის სადამკვირვებლო მისიის სპეციალური პრიზის მფლობელი, საქართველოში ევროკავშირის სადამკვირვებლო მისიის ხელმძღვანელის მოვალეობის შემსრულებელმა - ტიბორ კოზმამ გამოავლინა.
„ევროკავშირის პრიზი ჟურნალისტიკაში" 2022 წლის კონკურსის გამარჯვებულები და ფინალისტები არიან:
• საუკეთესო სტატია ბეჭდურ ან ელექტრონულ მედიაში:
გამარჯვებული: ნინო ნარიმანიშვილი (ჯემნიუსი)
ფინალისტები: ხატია ხასაია(ონლაინ გამოცემა Sova.News), ნინო თარხნიშვილი(რადიო თავისუფლება)
•საუკეთესო სიუჟეტი სამაუწყებლო ან ელექტრონულ მედიაში:
გამარჯვებული: ანი არველაძე (გადაცემა „დროება", ტელეკომპანია ფორმულა)
ფინალისტები: სოფიკო ვასაძე (რადიო თავისუფლება), ვიკა ბუკია (ჯემნიუსი)
•საუკეთესო საგამოძიებო სტატია ან სიუჟეტი ბეჭდურ, ელექტრონულ ან სამაუწყებლო მედიაში:
გამარჯვებული: ნინო რამიშვილი (სტუდია მონიტორი)
ფინალისტები: მარიკა დუდუნია (თავისუფლების მონიტორი), თამარ გელაშვილი (თავისუფლების მონიტორი)
•საუკეთესო ბლოგი, საავტორო სტატია, სვეტი ბეჭდურ, ელექტრონულ ან სამაუწყებლო მედიაში
გამარჯვებული: ბესიკ პაპასქუა (ინდიგო)
ფინალისტები: ჯიმშერ რეხვიაშვილი (რადიო თავისუფლება), ხატია თორდუა (NEXT.On.ge)
•საუკეთესო ორიგინალური და ინოვაციური ნაშრომი ბეჭდურ, ელექტრონულ ან სამაუწყებლო მედიაში:
გამარჯვებული: თორნიკე მეტრეველი (ინდიგო)
ფინალისტები: ნასტასია არაბული (რადიო თავისუფლება), სოფიო დათიშვილი (რადიო თავისუფლება)
•ევროკავშირის ფასეულობების ამსახველი, საუკეთესო დოკუმენტური ფოტო
გამარჯვებული: დინა ოგანოვა (პროექტი 64)
ფინალისტები: მარიამ ნიკურაძე (OC Media), დათო ქორიძე (რადიო თავისუფლება)
•საუკეთესო სტუდენტური ნაშრომი ბეჭდურ, სამაუწყებლო ან ონლაინ მედიაში:
გამარჯვებული: ქრისტინე გოგალაძე (ინდიგო)
ფინალისტი: საბა ხითარიშვილი (ინდიგო)
ევროკავშირის სადამკვირვებლო მისიის EUMM სპეციალური პრიზი მშვიდობის ჟურნალისტიკაში
გამარჯვებული: ლელა კუნჭულია (რადიო თავისუფლება)
ფინალისტები: ლევან ურიდია( საზოგადოებრივი მაუწყებლის აჭარის ტელევიზია და რადიო), ნინო სამადაშვილი (ენერგონიუსი).
პირველ 7 კატეგორიაში თითოეული გამარჯვებული ფულადი ჯილდოს სახით დაახლოებით 5,200 ლარს მიიღებს, ხოლო ევროკავშირის სადამკვირვებლო მისიის პრიზის მფლობელი გაივლის ერთთვიან სტაჟირებას „ომისა და მშვიდობის გაშუქების ინსტიტუტში" ლონდონში.
„ევროკავშირის პრიზი ჟურნალისტიკაში 2022"-ის
შესახებ :
წელს კონკურსში შემოვიდა 111 ჟურნალისტური (და ფოტო) ნამუშევარი, რომელიც გამოქვეყნდა 2021 წლის 30 ნოემბრიდან, 2022 წლის 1 ნოემბრის ჩათვლით. საკონკურსო ნაშრომები განიხილა ოთხკაციანმა ჟიურიმ, რომელიც შედგებოდა ადგილობრივი და საერთაშორისო მედიის პროფესიონალებისგან. „ევროკავშირის პრიზი ჟურნალისტიკაში" შემდეგი წლისათვის განაცხადების მიღებას, 2023 წლის 3 მაისს გამოაცხადებს.