კონტეინერებით გადაზიდვა, რომელიც პანდემიის დროს ძალიან იყო გადატვირთული მსუბუქდება და ფასები რეკორდული ტემპით ეცემა - ამის შესახებ ინფორმაციას asia.nikkei.com ავრცელებს.
კვლევითი ინსტიტუტის Nomura-ს მონაცემებით, Los Angeles-Long Beach–ის პორტის სანაპიროსთან მოლოდინში მდგომი საკონტეინერო გემების რაოდენობა 10-მდე შემცირდა, მაშინ როდესაც იანვარში მათი რაოდენობა 100 შეადგენდა .
საცობები დასავლეთ სანაპიროს პორტებში 2020 წლის ბოლოს covid 19 - ის გავრცელების გამო დაიწყო, პორტის პერსონალი, ისევე როგორც სატვირთო მანქანების მძღოლები, რომლებიც ახორციელებდნენ სახმელეთო ტრანსპორტის გადაზიდვებს, დეფიციტური იყო, რაც ტვირთის გადაზიდვას მნიშვნელოვნად ზღუდავდა.
გემები იძულებულნი იყვნენ თავის რიგს ოფშორში დალოდებოდნენ. გასულ ზაფხულს აზიიდან დასავლეთ სანაპიროზე გადაზიდვას დაახლოებით 30 დღე დასჭირდა, რაც ჩვეულებრივზე 2-3ჯერ მეტია.
რაც უფრო ხანგრძლივია მოგზაურობა, მით ნაკლები გემებია ხელმისაწვდომი და მსოფლიოს საერთო ტევადობა მცირდება. საცობები იყო აშშ-ს აღმოსავლეთ სანაპიროზე და ევროპაში მდებარე პორტებში, რამაც საზღვაო ლოგისტიკაში შეფერხებები გამოიწვია და ეს კი გლობალური მიწოდების შეზღუდვის მთავარი ფაქტორი გახდა.
გადაზიდვის ტარიფები ეცემა. შანხაიდან დასავლეთ სანაპიროზე კონტეინერის მიწოდება სექტემბრის პირველ კვ8ირაში 3,959 $ ღირდა, რაც წინა კვირასთან შედარებით 23%-ით ნაკლებია, ვარდნამ 1000$ -ზე მეტი შეადგინა, რაც ყველაზე დიდია 2009 წლის შემდეგ.
აშშ-ჩინეთის ტარიფები საერთაშორისო ეტალონს წარმოადგენს, ამიტომ ფასები სხვა მარშრუტებზეც ეცემა. შანხაიდან როტერდამის პორტში, ნიდერლანდებში და ევროპის სხვა ქვეყნებში გადაზიდვები წლის დასაწყისიდან 45%-ით არის შემცირებული.
მიწოდების ჯაჭვში კონტეინერების მიწოდება არ არის ერთადერთი გაუმჯობესებული ფაქტორი, ასევე გაუმჯობესდა ნახევარგამტარების დეფიციტი, რომელიც ავტომობილების წარმოებას აფერხებდა. ოთხმა მსხვილმა მომწოდებელმა, მათ შორის იაპონურმა Renesas Electronics-მა და გერმანიის Infineon Technologies-მა, დააგროვეს საავტომობილო ნახევარგამტარების მარაგი და პანდემიამდე მაჩვენებელზე დააბრუნეს.
საზღვაო მარაგების შემსუბუქება ნაწილობრივ განპირობებულია საბინაო ბაზრების შემცირებით, აშშ-ში მონეტარული გამკაცრების შედეგად, რამაც გაზარდა იპოთეკური განაკვეთები. რეალტორთა ეროვნული ასოციაციის მიერ შედგენილი არსებული სახლების გაყიდვები ზედიზედ 6 თვის მანძილზე მცირდებოდა.