კორონავირუსის მიუხედავად ჰერბიას სასათბურე მეურნეობაში სამუშაო პროცესი გაორმაგებულად მიმდინარეობს. მოთხოვნა გაზრდილია მწვანილზე, ხოლო მეურნეობა დიდი მოთხოვნის პირობებშიც მოსახლოების დაკმაყოფილებას ახერხებს.
ჰერბიას სასათბურე მეურნეობის ხელმძღვანელი ზურაბ ჯანელიძის თქმი, საწარმო ჩვეულ რეჟიმში მუშაობს და თანამშრომლების რაოდენობაც უცვლელია.
„ჩვენთან არაფერი შეცვლილა, როგორც ახლა გასულ პერიოდშიც, გარდა დისტანციისა ყველა იმ წესს ვიცავდით რაც დღესაა დადგენილი ჯანდაცვის ორგანიზაციის მიერ. შესაბამისად ამ მხრივ არანაირი სიახლე არ ყოფილა ჩვენთვის.
არ გვქონია ცვლილებები თანამშრომლების კუთხით, ყველა ის ადამიანი რომელიც აქამდე მუშაობდა ჩვენს კომპანიაში დღესაც განაგრძნობს საქმიანობას. რაც შეეხება ახალ დასაქმებულებს, ვაკანსია გვაქვს თუმცა თავს ვიკავებთ მიღებისგან, რადგან არ ვიცით უცხო პირის ისტორია, ამიტომ ამ საკითხში ძალიან ვფრთხილობთ.
რაც შეეხება პროდუქტის მოთხოვნა მიწოდებას, გაორმაგდა. მოთხოვნა საკამოდ მაღალია და ჩვენ ვახერხებთ, მარაგების არსებობის გამო დავაკმაყოფილოთ ყველა მომხმარებელი.
რაც შეეხება სამომავლო გეგმებს, ჯერ არანაირი გეგმა არ გვაქვს, პირველი და მნიშვნელოვანი საკითხია ყველამ ერთად დავამარცხოთ კორონავირუსი, რომ ვიცხოვროთ ჯანსაღ გარემოში.“-ამბობს ზურაბ ჯანელიძე.
შეგახსენებთ, რომ ჰერბიას სასათბურე მეურნეობაში წელიწადში დაახლოებით 1200 ტ მწვანილი მოჰყავს. პროდუქციას კომპანია ადგილობრივ და საერთაშორისო ბაზრებზე ყიდის. მეურნეობაში დასაქმებულია 150 ადამიანი.
„ჰერბიამ თანამედროვე სტანდარტებით აღჭურვილი სასათბურე მეურნეობა სახელმწიფოს ფინანსური მხარდაჭერით, შექმნა, სადაც სხვადასხვა ჯიშის მწვანილი მოყავთ. პროექტის ჯამურმა ღირებულებამ 3 მლნ ლარი შეადგინა, 592 000 ლარი გრანტია, 1,05 მლნ ლარი შეღავათიანი აგროკრედიტი.
ნათია ლომიძე