რესპუბლიკელები ჩინეთის ხელისუფლების პასუხისგებაში მიცემას მოითხოვენ. ამის მიზეზი აშშ-ს ენერგეტიკის დეპარტამენტის დასკვნაა, სადაც ნათქვამია, რომ მსოფლიოში COVID-19-ის პანდემია ჩინური ლაბორატორიიდან ვირუსის გაჟონვის შედეგად მოხდა. ამის შესახებ The Wall Street Journal-ი ამერიკული დაზვერვის წყაროებზე დაყრდნობით წერს.
გამოცემა წერს, რომ კორონავირუსის ლაბორატორიული წარმოშობის შესახებ ვერსიას მხარს აქამდე მხოლოდ გამოძიების ფედერალური ბიურო (FBI) უჭერდა. სხვა ამერიკული სააგენტოები ამ ეჭვს არ იზიარებდნენ. ახლა ამ დასკვნამდე ენერგეტიკის სამინისტრო მივიდა.
რესპუბლიკელები ჩინეთის მთავრობის წინააღმდეგ სასწრაფო ზომების მიღებას მოითხოვენ.
„მნიშვნელოვანია ჩინეთის კომუნისტური პარტიისთვის პასუხისმგებლობის დაკისრება, რათა ეს აღარ განმეორდეს, - წერს სენატორი ტომ კოტონი.
სენატორმა ჯოშ ჰეულიმ თქვა, რომ ის ხელახლა წარადგენს კანონპროექტს, რომელიც მოითხოვს დამატებით ინფორმაციას იმის შესახებ, თუ რა შეიტყო აშშ-ს მთავრობამ COVID-19-ის გავრცელების შესახებ, რადგან მისი თქმით - ამერიკელი ხალხი სიმართლის გაგებას იმსახურებს.