საკრედიტო საინფორმაციო ბიურო კრედიტინფო საქართველო საკუთარ მომხმარებლებს იდენტიფიკაციის ახალ სერვისს სთავაზობს. აღნიშნული პროდუქტი ტექნოლოგიურ კომპანია „ორიენტ ლოჯიკთან“ ახალხან წარმატებით დასრულებული თანამშრომლობის შედეგია. პროექტის ფარგლებში „ორიენტ ლოჯიკის“ გუნდის ჩართულობით წარმატებით დაინერგა იდენტიფიკაციის სერვისი Red Hat-ის Single Sign On გადაწყვეტილების გამოყენებით.

კრედიტინფოს იდენტიფიკაციის სერვისი კლიენტების იდენტიფიკაციასა და დისტანციური სერვისების განვითარებაში დაეხმარებათ ისეთ ორგანიზაციებს, რომლებსაც არ აქვთ საკუთარი რესურსები იდენტიფიკაციის დამოუკიდებელი გადაწყვეტილების დასანერგად, ან სურთ იდენტიფიკაციის ალტერნატიული მეთოდის შეთავაზება მომხმარებლებისთვის, ბიზნესის უწყვეტობისა თუ სხვა მიზნებისთვის. აღნიშნული სერვისი ეფუძნება „ჩემი კრედიტინფოს“ არსებულ სისტემას და იყენებს მასში რეგისტრირებულ მონაცემებს. შეგახსენებთ, რომ „ჩემი კრედიტინფოს“ სერვისით შესაძლებელია საკუთარი საკრედიტო ინფორმაციის გადამოწმება.

მომხმარებლისთვის გამარტივდება სხვადასხვა სერვისით სარგებლობა, რადგან არ იქნება საჭირო დამატებითი ანგარიშების (account) შექმნა და მართვა - ჩემი კრედიტინფოთი შესვლის ფუნქცია იქნება ხელმისაწვდომი იმ ვებგვერდზე, რომელიც გადაწყვეტს მომხმარებლების იდენტიფიკაციას „ჩემი კრედიტინფოს“ სერვისის საშუალებით. ეს შესაძლებლობას მისცემს  „ჩემი კრედიტინფოს“ მომხმარებელს, გაიაროს მარტივი და უსაფრთხო ავთენტიფიკაცია სხვადასხვა ვებგვერდზე.

ლაშა ბაღათურია, „კრედიტინფო საქართველოს“ ბიზნესის განვითარების მენეჯერი

მსოფლიოში მიმდინარე ციფრული ტრანსფორმაციის ფონზე ბიურო მუდმივად ცდილობს დანერგოს უახლესი ტექნოლოგიები. იდენტიფიკაციის სერვისი კი ერთ-ერთი წინ გადადგმული ნაბიჯია. ჩვენ ვნერგავთ ისეთ ინფრაქტრუქტურას, რომელიც მოგვცემს საშუალებას, შევქმნათ უსაფრთხო, ღია და გამოცდილ ტექნოლოგიებზე აგებული ინტერფეისი, რომელიც ჩვენი არსებული სერვისების მეტად განვითარების საშუალებას მოგვცემს.

კომპანია „ორიენტ ლოჯიკთან“ ეს ჩვენი უკვე მეორე კოლაბორაციაა, „ჩემი კრედიტინფოს“ ახალი გადაწყვეტილების შექმნის შემდეგ. ჩვენი წარმატებული თანამშრომლობა თავისთავად გულისხმობს სამომავლოდ კიდევ მეტ ერთობლივ პროექტს.

ვასილ გრიგალაშვილი, „ორიენტ ლოჯიკის“ პროგრამული უზრუნველყოფისა და ღრუბლოვანი გადაწყვეტილებების მიმართულების დირექტორი

მუდმივად მზარდ, დინამიურ გარემოში თითოეული ორგანიზაციისთვის უმნიშვნელოვანეს ფაქტორს წარმოადგენს თანამედროვე ტექნოლოგიური გადაწყვეტილებების დანერგვა, რომლებიც უზრუნველყოფს დისტანციური სერვისების გამართულ და უწყვეტ მუშაობას. ორიენტ ლოჯიკი არის Red Hat-ის უმაღლესი - პრემიერ სტატუსის მქონე ბიზნეს პარტნიორი რეგიონში, ეს სტატუსი შესაძლებლობას გვაძლევს ჩვენს პარტნიორ ორგანიზაციებს გავუწიოთ საუკეთესო სერვისი წარმატებული ციფრული ტრანსფორმაციის პროცესში. მოხარულები ვართ, რომ საკრედიტო საინფორმაციო ბიურო კრედიტინფო საქართველოს გუნდთან ერთად მოგვეცა შესაძლებლობა წარმატებით განგვეხორციელებინა  იდენტიფიკაციის სერვისის პროექტი, რომელიც დაეხმარება ორგანიზაციას არსებული სერვისების განვითარებასა და გაუმჯობესებაში. გვჯერა რომ კრედიტინფო საქართველოსთან ჩვენი წარმატებული კოლაბორაცია მნიშვნელოვან დამატებით ღირებულებას შექმნის, შესაბამისად გვჯერა რომ ერთობლივად განვახორციელებთ კიდევ არაერთ მასშტაბურ პროექტს.

(R)