გასულ კვირას კრიპტო ინდუსტრია კოლაფსის რეალური საფრთხის წინაშე აღმოჩნდა, FTX კრიპტო ბირჟის ჩამოშლის შემდეგ, ინვესტორებმა ბირჟებიდან 106000-ზე მეტი ბიტკოინი უკვე ამოიღეს. დილით კურსი $16000-ზე დაეცა. - ამის შესახებ ინფორმაციას გამოცემა sharecast ავრცელებს.
AvaTrade-ის ბაზრის მთავარმა ანალიტიკოსი ნაიმ ასლამი თვლის, რომ ბაზრები „ჯერ კიდევ შოკშია და ე.წ. Ponzi სქემების ბაზარზე განხორციელება კვლავ შესაძლებელია.“
„ძალიან ძნელი დასაჯერებელია, რომ ადამიანს, რომელიც მეგობრობდა ტონი ბლერთან და ბილ კლინტონთან და ბაიდენის ადმინისტრაციის პარტიაში უამრავის დონორი იყო, შეეძლო ამის გაკეთება. ახლა უკვე ნათელია, რომ მარეგულირებლები არ აპირებენ გვერდში დგომას, სანამ FTX თამაშობს კლიენტის სახსრებით და ეს გამოიწვევს რეგულირების ახალ ტალღას არარეგულირებულ ბაზარზე“, - აღნიშნა ნაიმ ასლამმა.
JP Morgan-ის ექსპერტები ვარაუდობენ, რომ ბიტკოინი შესაძლოა 13000 დოლარამდე დაეცეს, სხვებს კი FTX-ის გაკოტრების შემდეგ „დომინოს ეფექტს“ ეშინიათ.
„ინვესტორებმა უნდა გააცნობიერონ, რომ ისეთი მოვლენები, როგორიცაა FTX ან Luna ავარია, უფრო მეტ ცუდ ადამიანს გამოდევნის სისტემიდან, რაც იმას ნიშნავს, რომ ტრეიდერებმა ყურადღება უნდა მიაქციონ საფუძვლებს, რომლებიც სავარაუდოდ გაუმჯობესდება ”- აღნიშნა ასლამმა და დასძინა, რომ „როცა კარი იხურება, ფანჯარა იხსნება“
რაც შეეხება ბაზრის დანარჩენ ნაწილს, Ripple - ის ფასი (XRP) ბოლო 24 საათის განმავლობაში 2%-ით დაეცა. Dogecoin (DOGE) თითქმის უცვლელად ვაჭრობს, ხოლო Cardano - ის ღირებულება (ADA) ოდნავ იზრდება. პოლიგონი (MATIC) დოლარის დაპყრობით იმუქრება.
კრიპტო ბირჟა FTX-ის კოლაფსის შედეგად, მომხმარებლების კუთვნილი სულ მცირე $1 მილიარდი გაქრა.
Reuters ინფორმირებულ წყაროზე დაყრდნობით წერს, რომ ბირჟის დამფუძნებელმა, სემ ბანკმენ-ფრიდმა ფარულად გადარიცხა კლიენტების კუთვნილი $10 მილიარდი FTX-დან Bankman-Fried-ის კომპანია Alameda Research-ში, რის შემდეგაც ამ თანხის დიდი ნაწილი დაიკარგა. ერთ-ერთი წყაროს მიხედვით, დაკარგული თანხა დაახლოებით $1.7 მილიარდია, მეორემ კი თქვა, რომ სხვაობა $1-დან $2 მილიარდამდე იყო.
FTX ზეწოლის ქვეშ მოექცა მას შემდეგ, რაც უმსხვილესი კრიპტობირჟის, Binance-ის აღმასრულებელმა დირექტორმა ჩანგპენგ ჟაომ განაცხადა, რომ დაუზუსტებელი განცხადებების გამო, მისი ფირმა FTX-ის შიდა ტოკენის, FTT-ს, გაუქმებას აპირებდა. FTX-ის ლიკვიდურობის პრობლემა დიდი ოდენობით თანხის გატანამ შეუქმნა. ცნობებმა, რომლებმაც FTX-ის ფინანსური მდგრადობა ეჭვქვეშ დააყენა, ბაზარზე პანიკა და სამი დღის განმავლობაში ბირჟიდან $6 მილიარდის გატანა გამოიწვია.
თაკო კვაჭანტირაძე
კრიპტოვალუტის ბაზარი
