ამერიკულმა კრიპტოვალუტის ბირჟა Coinbase-ი იაპონიას თებერვალში დატოვებს.

შექმნილი საბაზრო მდგომარეობიდან გამომდინარე, ჩვენმა კომპანიამ მიიღო რთული გადაწყვეტილება, შეაჩეროს ოპერაციები იაპონიაში და სრულად გადახედოს ბიზნესს ქვეყანაში“, - ნათქვამია Coinbase-ის განცხადებაში.

კომპანიის იაპონელ კლიენტებს ბირჟიდან თანხების გამოტანის ვადა 16 თებერვლამდე აქვთ. ამ თარიღის შემდეგ, დარჩენილი თანხები იურიდიულ საკითხთა ბიუროს სპეციალურ ანგარიშზე (იაპონური მარეგულირებელი - IF) გაიგზავნება.

რამდენიმე კვირის წინ იაპონიაში ოპერაციების შეწყვეტა კიდევ ერთმა კრიპტოვალუტის გიგანტმა - Kraken-ის ბირჟამ გამოაცხადა.

18 იანვარს, Coinbase-ის აქციები 1.7%-ით დაეცა. ბოლო სამი თვის განმავლობაში კომპანიის კაპიტალიზაცია 54%-ით გაიზარდა, მაგრამ 12 თვის განმავლობაში საბაზრო ღირებულება 75%-ით დაეცა და ახლა $11,3 მილიარდს შეადგენს.