ფინანსური ჩართულობის ორგანიზაცია „კრისტალმა“ შვეიცარული საინვესტიციო ფონდისგან „BlueOrchard Finance“ 8 მილიონი აშშ დოლარის ოდენობის საკრედიტო რესურსი მიიღო, რომელიც კრისტალის მიერ საქართველოში მიკრო მეწარმეებისა და ფერმერების ფინანსური სერვისებით მხარდაჭერას მოხმარდება.
კრისტალსა და BlueOrchard-ს შორის თანამშრომლობა 2014 წლიდან იღებს დასაბამს და ამ დროის მანძილზე, კომპანიებს შორის არაერთი წარმატებული საინვესტიციო გარიგება განხორციელდა. ახალი საკრედიტო რესურსის გამოყოფა მტკიცე და ეფექტური პარტნიორობის ნათელი დასტურია, განსაკუთრებით, კრისტალის მიკრობანკად ტრანსფორმაციის კრიტიკულ ეტაპზე. ახალი რესურსი მიზნად ისახავს ადგილობრივი მიკრო და მცირე მეწარმეებისთვის პროდუქტებისა და სერვისების გაუმჯობესებას, საკრედიტო პროდუქტებზე ხელმისაწვდომობის გაზრდას, ლიკვიდობის უზრუნველყოფას და მიზნობრივი ბიზნეს კონსულტაციების გაწევას.
„მოხარულები ვართ, რომ BlueOrchard-სა კრისტალს შორის პარტნიორობა კიდევ უფრო გაძლიერდა. აღნიშნული ინვესტიცია მნიშვნელოვან როლს შეასრულებს კრისტალის ლიკვიდობის პოზიციის შემდგომ გაძლიერებაში და მიმართული იქნება მიკრო და მცირე საწარმოების მხარდასაჭერად. ახალი რესურსი ხელს შეუწყობს ჩვენი კლიენტების სტაბილურობასა და ეკონომიკურ გაჯანსაღებას,”- აღნიშნავს კრისტალის უფროსი აღმასრულებელი ოფიცერი ილია რევია.
BlueOrchard-ის უფროსი საკრედიტო ოფიცერის ნორმუნდს მიზისის თქმით :„მიკრო და მცირე მეწარმეები მნიშვნელოვან როლს ასრულებენ საქართველოს ეკონომიკის განვითარებაში და გადამწყვეტი წვლილი შექვთ სიღარიბის დაძლევასა და სამუშაო ადგილების შექმნაში. საქართველოს MSME სექტორის მხარდაჭერის პროცესში, კრისტალი ჩვენთვის მყარი პარტნიორია. მივესალმები ჩვენი თანამშრომლობის შემდგომ გაძლიერებას, რათა პოზიტიური წვლილი შევიტანოთ საქართველოს მოსახლეობის გაძლიერებაში.”
BlueOrchard-ის შესახებ: BlueOrchard გლობალური გავლენის მქონე საინვესტიციო ფონდების მმართველი ორგანიზაციაა. როგორც პიონერი გავლენის მქონე ინვესტირების სფეროში, იგი მხარს უჭერს საზოგადოებისა და გარემოსთვის გრძელვანიანი შედეგების მიღწევას. BlueOrchard მსოფლიოში პირველი კომერციული მიკროსაფინანსო ინვესტიციების მმართველი კომპანიაა, რომელიც 2001 წელს გაეროს ინიციატივით დაარსდა. BlueOrchard უზრუნველყოფს ეფექტური საინვესტიციო გადაწყვეტილებების შეთავაზებას და ხელს უწყობს განვითარებად ბაზრებზე მილიონობით მეწარმესა და ინვესტორს შორის კავშირების დამყარებას. დღესდღეობით, მას 10 მილიარდ აშშ დოლარზე მეტი ინვესტიცია აქვს განხორციელებული 105-მდე ქვეყანაში. 2022 წლის ივნისის მდგომარეობით, Blueorchard-ის დახმარებით, განვითარებად ბაზრებზე დაბალი შემოსავლის მქონე 255 მილიონმა ადამიანმა მიიღო წვდომა ფინანსურ და დაკავშირებულ სერვისებზე. BlueOrchard-ი Schroders Group-ის წევრი არის. დამატებითი ინფორმაციისთვის, ეწვიეთ ბმულს: www.blueorchard.com BlueOrchard
კრისტალის შესახებ: „კრისტალი“ საქართველოს წამყვანი ფინანსური ჩართულობის ორგანიზაცია და არასაბანკო საფინანსო ინსტიტუტია, რომელიც 400 მლნ ლარამდე მოცულობის სასესხო პორტფელს მართავს, დასაქმებული ჰყავს 1,000-ზე მეტი თანამშრომელი, ოპერირებს 50 ფილიალით და ქვეყნის მასშტაბით 125,000-ზე მეტ მომხმარებელს ემსახურება. „კრისტალი“, როგორც ეკონომიკური განვითარების პლატფორმა, მიკრო და მცირე მეწარმეებსა და ფერმერებს მათზე მორგებულ ინოვაციურ ფინანსურ პროდუქტებსა და მომსახურებას სთავაზობს. იგი პირველი არასაბანკო საფინანსო ორგანიზაციაა რეგიონში, რომელმაც გლობალური სარეიტინგო სააგენტოს FitchRatings-ის შეფასება მოიპოვა. 2018 წლის დეკემბერში, კრისტალი საქართველოში წლის პასუხისმგებლიან ბიზნესად დასახელდა - „მელიორა 2018
(R)