კუს ტბის შემდეგ კაფე „ინტელიგენცია“ ახალი ობიექტს ლისზე გახსნის. თავშეყრისა და დასვენების ადგილის განახლებული პროექტი თბილისის მერიამ 11 მარტს მოიწონა, უკვე გაცემულია მშენებლობის ნებართვაც.

განმარტებითი ბარათის მიხედვით ირკვევა, რომ ობიექტი წარმოადგენს ერთ სართულიან შენობას, რომლის გადახურვაზეც მოწყობილია ღია ტერასა. კაფე,ბარის არქიტექტურული გადაწყვეტა მსუბუქი და მინიმალისტურია, ძირითადი სტრუქტურა და ყრუ კედლები იქნება შიშველი ბეტონის ფაქტურით, გახსნილი მხარეები შევსებულია გამჭვირვალე ალუმინის ვიტრაჟით. ტერასებზე  მოწყობილია ხის დამუშავებული გემბანური იატაკი. არქიტექტურულ გადაწყვეტაში ასევე გამოყენებულია ლითონის უხეშად დამუშავებული დეკორატიული ელემენტები. საპროექტო კაფე-ბარი სრულადაა ადაპტირებული შშმ პირთათვის. ტერიტორია გამწვანებულია, ნარჩუნდება ყველა ნარგავი, მოხდება ეზოს კეთილმოწყობა.

შეგახსენებთ, რომ „ინტელიგენცია“ ლისის ტბაზე რამდენიმე წლის წინ უნდა გახსნილიყო, თუმცა კაფეს ერთ-ერთმა დამფუძნებელი „კომერსანტს“ უყვებოდა, რომ ახალი ობიექტის გახსნა კორონავირუსის პანდემიის გამო ვერ ხერხდებოდა.

კალენდარული გრაფიკის მიხედვით, „ინტელიგენციის“ ახალი ობიექტის მოწყობა ერთ წელში დასრულდება.

ბაჩო ადამია