უკრაინა აზერბაიჯანის მსგავსად ომში თურქულ Bayraktar-ებს აქტიურად და რაც მთავარია წარმატებით იყენებს. კიევმა უპილოტოების ავიაპარკი შესაძლოა უკრაინული ძრავის მქონე გაუმჯობესებული Bayraktar-ებით, იგივე Kızılelma-ებით (წითელი ვაშლი) შეავსოს, თუმცა ეს მოკლე დროში ვერ მოხდება. ინფორმაციას ამის შესახებ უკრაინული მედია ავრცელებს.

მიიღე ინფორმაცია უფრო სწრაფად „კომერსანტის“  Telegram-ზე.

ძვირადღირებულ გამანადგურებლებთან შედარებით რომელთა ღირებულება რამდენიმე ათეულ მლნ დოლარს და ზოგ შემთხვევაში $100 მლნ-საც აღემატება, ბაირაქტარი $6 მლნ-ზე ნაკლები ღირს. შეუდარებლად იაფია ექსპლუატაციაც, არ საჭიროებს პილოტის ხანგრძლივ მომზადებას, უკეთ ემალება რადარებს და კატასტროფის შემთხვევაშიც მფრინავი არ იღუპება.

დრონები XX საუკუნეშიც არსებობდა, თუმცა, პირველად აქტიურად აზერბაიჯანმა ყარაბაღის ბოლო ომში 2020 წელს გამოიყენა, რამაც მის გამარჯვებაში ერთ-ერთი მნიშვნელოვანი როლი ითამაშა. ბაირაქტარს თურქეთი წლებია უკვე სირიაშიც წარმატებით იყენებს. 2019 წელს უკრაინამ თურქეთთან $69 მლნ-იანი კონტრაქტი გააფორმა, რაც 12 დრონისა და 3 სამართავი სადგურის მიწოდებას ითვალისწინებდა.

თუ სტანდარტული Bayraktar-ის სიჩქარე 220 კმ/სთ-ა, Kızılelma 800 კმ/სთ-მდეა გაზრდილია, ტვირთამწეობა 700-დან 1500 კგ-მდე, ფრენის დრო კი პირიქით 27-დან 5 საათამდეა შემცირებული. დრონები ექსპლუატაციაში 2023 წელს ჩაეშვება.