ახალი კვლევის მიხედვით გელ-ლაქის, იგივე „შილაკის“ ხშირი მოხმარება მავნეა ჯანმრთელობისთვის, ულტრაიისფერი სხივები, რომელიც ლაქს აშრობს - დნმ-ის მუტაციას იწვევს, რაც ხშირად კიბოსთან ასოცირდება. ამის შესახებ Blomberg-ი და Nature Communications-ი წერს.
კალიფორნიის უნივერსიტეტის მკვლევრებმა ლაბორატორიაში თაგვებისა და ადამიანების უჯრედები გამოცადეს. კალიფორნიის სან-დიეგოსა და პიტსბურგის უნივერსიტეტებს მეცნიერებმა უახლესი კვლევის შედეგები გამოაქვეყნეს. კვლევის მიმდინარეობისას მათ თაგვისა და ადამიანის უჯრედები სპეციალურ ჯამში განათავსეს და ულტრაიისფერ საშრობში ორჯერ, 20-20 წუთით განათავსეს. ექსპერიმენტის შედეგად მეცნიერებმა აღმოაჩინეს, რომ უჯრედები დაზიანდა და მათი 20-დან 30%-მდე მოკვდა.
აღნიშნული ექსპერიმენტი მათ 3 დღის შემდეგ კვლავ გაიმეორეს და ნახეს, რომ ამჯერად უკვე უჯრედების 70%-ი მოკვდა.
კვლევის ავტორები წერენ, რომ მათი კვლევა კიბოს რისკს არ ამტკიცეს, მაგრამ ადასტურებს, რომ დასხივებით ლაქის გაშრობის პროცედურა საფრთხის შემცვლელია. საჭიროა მეტი ეპიდემიოლოგიური კვლევები, სანამ საბოლოოდ დადასტურდება, რომ ამ მოწყობილობების გამოყენება ზრდის კანის კიბოს რისკს.
თუმცა, ამ კვლევის შედეგები დამაჯერებელი იყო და აჩვენა, რომ ამ ფრჩხილის ლაქ-გელის („შილაკის“) საშრობების გამოყენება საზიანოა ადამიანის უჯრედებისთვის. მეცნიერები აღნიშნავენ, რომ ფრჩხილის საშრობი სხვა ულტრაიისფერი გამოსხივების მქონე დანადგარებისგან იმით გამოირჩევა, რომ მას ინტენსიურად გამოიყენებენ, განსხვავებით თუნდაც სტომატოლოგიური მომსახურებისგან.