წინასწარი შედეგების თანახმად, მოლდოვის პროევროპული პრეზიდენტის მაია სანდუს ირგვლივ გაერთიანებული ძალები კვირას ჩატარებულ საპარლამენტო არჩევნებში იმარჯვებენ.
„ვიმედოვნებ, რომ დღეს მოლდოვაში ქურდული მმართველობა საბოლოდ დასრულდება“, - განაცხადა სანდუმ.
ამ დროისთვის არჩევნებში 47%–ს მაია სანდუს პარტია „მოქმედება და სოლიდარობა“ იღებს, მაშინ, როდესაც პრორუსული ბლოკი „კომუნისტები და სოციალისტები“, რომელსაც კრემლთან დაახლოებული ექს-პრეზიდენტი იგორ დოდონი ხელმძღვანელობს - 31%-ს დასჯერდა.
ჯერ კიდევ 2020 წლის ნოემბერში მაია სანდუმ დოდონი საპრეზიდენტო არჩევნებში დაამარცხა, თუმცა, მას საპარლამენტო უმრავლესობა არ ჰქონდა. ეს კი კორუფციასთან ბრძოლაში და ევროკავშირთან მეტ ინტეგრირებაში ხელს უშლიდა.
როგორც ჩანს, სადღეისოდ ეს პრობლემა მოიხსნა და პრეზიდენტს თავისი პროგრამის რეალიზების შესაძლებლობა გაუჩნდება.
„მე ხმა მივეცი ჩვენს ქვეყანაში წესრიგის დამყარებას და იმათ წინაამღდეგ, ვინც მოლდოვას წლების მანძილზე ძარცვავდა“, - განაცხადა პრეზიდენტმა.
მოლდოვის 2,6 მლნ მოქალაქე ისტორიულად 2 ნაწილადაა გაყოფილი - რუსეთის და ევროპის მომხრეებად. თუმცა, ყველა ერთიანია იმაში, რომ ქვეყანა კორუფციულმა სკანდალებმა დაღალა - ყველაზე ხმაურიანი 2015 წელს იყო, როდესაც 3 ბანკიდან თითქის $1 მლრდ უკვალოდ გაქრა.
წლების შემდეგ ქვეყანას ბოლოს და ბოლოს კორუფციონერების და ქურდების თავიდან მოშორების იმედი გაუჩნდა.
მსოფლიო ბანკის ყოფილი ეკონომისტი მაია სანდუ მოლდოვაში ერთად-ერთ იმ პოლიტიკოსად ითვლება, რომელიც ხელისუფლებაში ისე მოვიდა, რომ პატიოსანი ადამიანის რეპუტაცია შეინარჩუნა. დღეს მას ამომრჩეველთა უმრავლესობა ცვლილებების სიმბოლოდ აღიქვამს.
თუმცა, მას წინ ბევრი პრობლება მოელის. საპარლამენტო უმრავლესობის ფლობითაც კი მას სახელმწიფოს სრული გარდაქმნის გრანდიოზული გეგმების რეალიზება ძალიან გაუჭირდება.
„წინაამღდეგობა ძალიან სერიოზული იქნება - დღეს მოლდოვაში მოქმედი პოლიტიკური, ეკონომიკური და მმართველობითი სისტემა თავიდან ბოლომდე შესაცვლელია, ეს კი ძალიან ბევრი ადამიანის ინტერესებს შეეხება. სანდუს რეფორმების რეალიზების პროცესში მოკავშირეები აუცილებლად დასჭირდება“, - მიიჩნევს ანალიტიკოსი ვიქტორ ჩობანუ.
ყველა შემთხვევაში არჩევნების შედეგები მოლდოვაში რუსულ გავლენას შეამცირებს, რადგანაც საპარლამენტო უმრავლესობა ცალსახად პროევროპული იქნება. მაია სანდუმ რუსეთის გაღიზიანება უკვე მოასწრო - მან განაცხადა, რომ პრორუსულ სეპარატისტულ დნესტრისპირეთის რეგიონში რუსული სამშვიდობო ძალების ეუთოს დამკვირვებლებით ჩანაცვლების მომხრეა.
lefigaro.fr