საკონდიტრო „ლეგატომ“ covid-პასპორტების გაუქმების გადაწყვეტილებასთან ერთად დარბაზები გახსნა.

„მწვანე პასპორტების რეგულაცია გაუქმდა და გაცნობებთ, რომ ჩვენ გავხსენით დარბაზები. რეგულაციის შემოღების პირველი დღიდან ლეგატოს გუნდი სწორ პოზიციაზე ვიყავით, ჩვენთან მოსულ არც ერთ სტუმარს არ შექმნია აღნიშნული რეგულაციისგან გამოწვეული დისკომფორტი, არც ერთხელ ჩვენ მწვანე პასპორტი არ მოგვითხოვია. ჩვენი სიმართლე ბოლომდე მყარად დავიცავით... მადლობა ყველას!!! მადლობა ლეგატოს თითოეულ თანამშრომელს!!“, - აღნიშნულია კომპანიის მიერ სოციალურ ქსელში გავრცელებულ ინფორმაციაში.

შეგახსენებთ, რომ „ლეგატომ“ დარბაზებში სტუმრების მიღება რამდენიმე დღის წინ შეწყვიტა. მიზეზი ის იყო, რომ ადმინისტრაცია მწვანე პასპორტის რეგულაცის დისკრიმინაციად მიიჩნევდა და სტუმრებს მის გარეშე იღებდა. შრომის ინსპექციამ „ლეგატი“ სამჯერ გააფრთხილა, ხოლო მეოთხედ 10-ათას ლარიანი ჯარიმა გამოუწერა. კომპანია უფლებების დაცვას სასამართლოში გეგმავს.

ცნობისათვის, დღეს საქართველოში ე.წ. მწვანე პასპორტის მოთხოვნის ვალდებულება გაუქმდა. შესაბამისი გადაწყვეტილება საკოორდინაციო საბჭომ მიიღო, რასაც საბჭოში მსოფლიო პრაქტიკით ხსნიან.

bpn.ge