An-225 Mriya-ს ახალი ვერსის აშენებამდე ცას ვირტუალური Mriya „უბრუნდება“. უკრაინულმა სახელმწიფო საწარმო Antonov-ის და Microsoft-ის კორპორაციამ ხელი მოაწერეს სალიცენზიო ხელშეკრულებას An-225 „Mriya“ ბრენდის Microsoft Flight Simulator პროდუქტის ახალ ვერსიაში გამოყენების უფლების შესახებ. ეს კი თამაშში An-225 Mriya-ს ხელახალი დაბადების შესაძლებლობაა. მის თითოეულ მომხმარებელს შეეძლება თავი იგრძნოს უნიკალური Antonov-ის თვითმფრინავის პილოტად.
Microsoft-მა Antonov-ს ინიციატივით მიმართა, An-225 თამაშში აღედგინათ, რომელიც ორიგინალთან მიახლოებული ვერსია იქნება. თავის მხრივ Antonov-ი მონაწილეობას მიიღებს ამ იდეის განხორციელების პროცესში.
„ჩვენ გვინდოდა ამ ვერსიის გაშვება თვითმფრინავის განადგურების წლისთავზე, 27 თებერვალს. ჩვენი სურვილია ყველაფერი გავაკეთოთ An-225-ის აღსადგენად. ვგეგმავთ თანხების გადარიცხვას სახელმწიფო საწარმო Antonov-ისთვის, რომელიც აღადგენს ამ თვითმფრინავს“, - განაცხადა Microsoft Flight Simulator-ის პროგრამის ხელმძღვანელმა იორგ ნიუმენმა.
როგორც ცნობილია ერთადერთი An-225 Mriya 2022 წლის 27 თებერვალს, რუსმა აგრესორებმა უკრაინაში შეჭრის შემდეგ გოსტომელში გაანადგურეს. ბორტი რუსი ოკუპანტების საჰაერო თავდასხმის შედეგად დაიწვა.
ბოლო თვეებში აქტიურად ვრცელდება ინფორმაცია, რომ უკრაინამ მეორე An-225 Mriya თვითმფრინავის მშენებლობა დაიწყო, რომელიც ლეგენდარულ „ოცნების“ ლაინერს ჩაანაცვლებს. როგორც Antonov-ის სახელმწიფო საწარმოს გენერალურმა დირექტორმა ევგენი გავრილოვმა ნოემბრის დასაწყისში განაცხადა, ახალი Mriya უკვე 30%-ით მზადაა. სამუშაო ფარულ ადგილას მიმდინარეობს. მეორე An-225 უზრუნველყოფილი იქნება როგორც ახალი ნაწილებით, ასევე დაზიანებული თვითმფრინავის ნაწილებით, - აღნიშნა გავრილოვმა.
მეორე Mriya-ს მშენებლობის სავარაუდო ღირებულება 500 მილიონი ევროა. ცნობილია, რომ დაფინანსების მოძიებაში კომპანიას ლაიფციგის/ჰალის საერთაშორისო აეროპორტიც ეხმარება. რუსების მიერ განადგურებული An-225 აღნიშნული აეროპორტის ხშირი სტუმარი იყო. გარდა ამისა, ავიაკომპანია Antonov-ი სწორედ ამ აეროპორტშია, დროებით, ბაზირებული.