აკუსტიკური ხმაურის მონიტორინგის შედეგად, ზაფხულის ტურისტულ სეზონზე, ბათუმში 62 სამართალდარღვევა დაფიქსირდა. როგორც ბათუმის მუნიციპალურ ინსპექციაში განმარტავენ, ბათუმში აკუსტიკური ხმაურის მონიტორინგი საგანგებო რეჟიმში ხორციელდება. მუნიციპალური ინსპექციის დამატებითი მორიგე ჯგუფები შეტყობინებებზე რეაგირებას მთელი ღამის განმავლობაში ახდენენ.
„ხმაურის ნორმების გადაჭარბების ფაქტზე ბათუმის მუნიციპალურ ინსპექციაში მიმდინარე წელს 126 შეტყობინება დაფიქსირდა. ცხელ ხაზზე შემოსული შეტყობინების სპეციალური აპარატით გაზომვის შედეგად 62 სამართალდარღვევის ფაქტი გამოვლინდა.
ხმაურის ნორმების გადაჭარბების დაფიქსირების შემთხვევაში დაგვიკავშირდით ნომერზე: 598 85 15 20. აკუსტიკური ხმაურის მონიტორინგი 24-საათიან რეჟიმში ხორციელდება. აღნიშნული მუხლი არ ვრცელდება დღის საათებში მიმდინარე სამშენებლო სამუშაოებსა და თვითმმართველობასთან შეთანხმებულ ღონისძიებებზე.
სამართალდამრღვევს ფაქტის დაფიქსირების შემდეგ პირველ ეტაპზე ეძლევა გაფრთხილება. განმეორების შემთხვევაში ფიზიკური პირი 150, იურიდიული პირი კი 500 ლარით ჯარიმდება; განმეორების შემთხვევა 300/1000 ლარის საჯარიმო სანქციას ითვალისწინებს“, - განმარტავენ ბათუმის მუნიციპალურ ინსპექციაში.