Levi Strauss & Co–მ გადაწყვიტა საბოლოოდ დატოვოს რუსეთის ბაზარი, სადაც 29 წლის განმავლობაში აწარმოებდა ბიზნესს. რუსულმა გამოცემამ Kommersant.ru-მ როგორც გაარკვია, კომპანიამ საქონლის მიწოდება უკვე შეწყვიტა და საცალო ბიზნესის მყიდველებს ეძებს.

მიიღე ინფორმაცია უფრო სწრაფად „კომერსანტის“ Telegram-ზე.

გამოცემას მოდის ბაზრიდან რამდენიმე წყარომ უთხრა, რომ კომპანია რუსულ ბაზარს ტოვებს. მათი თქმით, Levi’s რუსეთში თავისი მაღაზიების მყიდველებს ეძებს, მიწოდება უკვე შეწყვიტა, ხოლო საქონლის ნაშთის ამოყიდვას სხვა მაღაზიებიდან შეეცდება.

ერთ–ერთი წყაროს ცნობით, Levi’s–ის მაღაზიები შესაძლოა თურქულმა Fiba Holding A.S შეიძინოს, რომელიც რუსეთის ბაზარზე ბრენდებით Gap, Marks & Spencer და Banana Republic ოპერირებს.

Levi’s–ის სათავო ოფისმა ჯერ კიდევ მარტში, მას შემდეგ რაც რუსეთი უკრაინაში შეიჭრა, განაცხადა, რომ წყვეტს ბიზნესს რუსეთში და ქვეყანაში ყველა საინვესტიციო პროექტს აჩერებს.