პუტინის მიერ ხელმოწერილმა კანონმა, რომელიც მცნება „შამპანურის“ გამოყენების უფლებას მხოლოდ რუს მწარმოებლებს აძლევს, ფრანგი მეღვინეების უკმაყოფილება გამოიწვია.

შამპანის რეგიონის მეღვინეთა კავშირის თავჯდომარის მაქსიმ ტუბარის თქმით, შამპანის რეგიონისთვის სახელწოდება „შამპანური“-ს გამოყენების უფლების წართმევა აღმაშფოთებელია.

„ეს ჩვენი მემკვიდრეობაა, და ჩვენ მას თვალის ჩინივით ვუფრთხილდებით. ასეთი რეგულირება რუს მომხმარებლებს პროდუქტის წარმოშობაზე და მახასიათებლებზე ამომწურავ და გამჭირვალე ინფორმაციას უზღუდავს“, - ნათქვამია კომიტეტის ოფიციალურ განცხადებაში.

ვითარება აჩვენებს, რამდენად მნიშვნელოვანია ყველაფრისთვის საკუთარი სახელის დარქმევა - ერთი შეხედვით, ყველაფერი შედარებით უწყინარად გამოიყურება, რადგანაც რეგულაცია მხოლოდ რუსულენოვან წარწერას ეხება - ლათინური ასოებით წარწერა „შამპანური“ უცვლელი დარჩება, მაგრამ თავად ფაქტი, რომ რუსულად ამ სახელის გამოყენების უფლება მხოლოდ რუსულ კომპანიებს ექნებათ, რეალობის ტოტალური დამახინჯებაა.

რუსებმა ფრანგული ენა, როგორც წესი, არ იციან, მათი ანბანი კი ლათინურისგან განსხვავდება, ასე რომ მათთვის ეს წარწერა არაფერს არ ნიშნავს.

ამ პრობლემას  დიპლომატიური მხარეც აქვს - პუტინმა მიიღო გადაწყვეტილება, რომელიც 120 ქვეყანას შორის არსებულ შეთანხმებას ეწინაამღდეგება. მთელი მსოფლიო აღიარებს, რომ სახელი „შამპანური“ საფრანგეთის რეგიონ შანპანს უკავშირდება - ამ დროს პუტინი ამბობს, რომ ის საერთაშორისო კანონებზე და ელემენტარულ საღ აზრზე მაღლა დგას.

აქედან ჩვენ შეგვიძლია გავაკეთოთ დასკვნა, რომ პუტინს გარკვეული მიზანი აქვს, და ის ტყუილად არაფერს არ აკეთებს. ამ შემთხვევაში საქმე სიმბოლურ აქტთან გვაქვს და ეს მეტია, ვიდრე ეკონომიკური ხასიათის გადაწყვეტილება. თუ დღეს ჩვენ ამას მივიღებთ - ხვალ კონიაკი, ზეგ კი ნებისმიერი სხვა პროდუქტი იქნება,

კონკრეტულად, მოკლევადიან პერსპექტივაში, ეს გადაწყვეტილება ძირითადად რუს მომხმარებლებზე აისახება – რუსეთი ფრანგული შამპანურისთვის დიდი ბაზარი არაა - ექსპორტის კუთხით ის მხოლოდ მე-15 ადგილზეა, ბრუნვა კი 35 მლნ-ს არ აღემატება, ეს კრიტიკული მაჩვენებელი არ არის. შესაბამისად, ეკონომიკური ზიანი უმნიშვნელოა.

თუმცა, როგორც უკვე ითქვა, სიმბოლური მიდგომაა - თუ ჩვენ „შამპანურს“ დავთმობთ, ვინ იცის, შემდეგი რა იქნება? რუსეთში დღეს იწარმოება ბრენდი, რომელსაც „კონიაკის“ სახელის ტარების უფლება არა აქვს. თუ შამპანურს დავთმობთ, მაშინ არაა გამორიცხული, რომ ფრანგებმა უფლება კონიაკზეც დაკარგონ.

და ეს მხოლოდ დასაწყისია.

რაც შეეხება საკითხის პოლიტიკურ მხარეს, საფრანგეთის საგარეო საქმეთა მინისტრმა ჟან-ივ ლე დრიანმა განაცხადა, რომ უწყება უახლოეს დღეებში ამ საკითხთან დაკავშირებით იმუშავებს. ამავე თემაზე ტვიტერზე განცხადება ეკონიმიკის მინისტრმაც გამოაქვეყნა.

ვნახოთ, რას მოიმოქმედენებ ისინი რეალურ ცხოვრებაში და გასცდება თუ არა მათი აქტიურობა ტვიტერს. და რაც მთავარია, აიძულებს თუ არა საფრანგეთი რუსეთს უკან დახევას?

liberation.fr