ლატვიამ ენერგეტიკის შესახებ კანონში ცვლილებები დაამტკიცა, რითაც 2023 წლის 1-ლი იანვრიდან ქვეყანაში რუსული გაზის იმპორტი აკრძალა. ამის შესახებ RBC-Ukraine ლატვიურ პორტალ Delfi-ზე დაყრდნობით იუწყება.
ცნობილია, რომ ლატვიის მთავრობა კონცეპტუალურად დათანხმდა რუსეთიდან გაზის მიწოდების აკრძალვას. ამავდროულად, მომავალი ცივი სეზონისთვის გაზის საჭირო მოცულობების უზრუნველსაყოფად, ლატვია გეგმავს გაზის უსაფრთხოების რეზერვების შექმნას.
კანონში ცვლილებები, რომლებსაც მხარი დაუჭირეს ლატვიის პარლამენტის დეპუტატებმა, ადგენს ბუნებრივი აირის ტრანსპორტირებისა და შენახვის ერთი ოპერატორის ვალდებულებას, უზრუნველყოს ინფრასტრუქტურა, რომელიც ზღუდავს მიწოდების რისკებს და ვალდებულებას, შექმნას ბუნებრივი აირის სტრატეგიული რეზერვები.
მარაგები უნდა ჩამოყალიბდეს ისე, რომ შესაძლებელი იყოს არა მხოლოდ სპეციალურად განსაზღვრული მომხმარებლების მოთხოვნილებების დაკმაყოფილება, არამედ თბოსადგურებზე ელექტროენერგიის წარმოების ძირითადი სიმძლავრეც.
მიწისქვეშა საცავის ოპერატორმა 31 აგვისტომდე უნდა უზრუნველყოს გაზის შეყვანა იმ მოცულობით, რომ დააკმაყოფილოს მომხმარებლები 1-ლი ოქტომბრიდან 30 აპრილამდე პერიოდში.
კანონში ცვლილებების გარდა, ასევე დამტკიცდა ევროკავშირის სხვა წევრებთან თანამშრომლობის სქემები რუსული გაზის იმპორტის აკრძალვის უზრუნველსაყოფად.
1-ლი ივლისიდან ლატვიის გაზის გადაცემის სისტემის მთავარმა ოპერატორმა Latvijas gāze-მ ახალი ტარიფები დააწესა, რის შედეგადაც გაზი 65,6%- 89,9%-ით გაძვირდა - მოხმარების სახეობიდან გამომდინარე. გაზის ტარიფის მატება გამოწვეულია იმით, რომ ლატვიამ ამოწურა რუსეთიდან ადრე შეძენილი გაზის მარაგები და ევროპის ენერგეტიკული ბაზრის ვითარებიდან გამომდინარე, გაზის ძველ ფასებში შეძენის შესაძლებლობა აღარ არის.
ენერგეტიკის შესახებ კანონი ლატვიაში პირველად 1998 წელს მიიღეს. იგი არეგულირებს ენერგიის წყაროების მიღებას, გამოყენებას და შენახვას, ასევე ენერგომომარაგების საწარმოების მუშაობას.
შეგახსენებთ, რომ ლიეტუვა გახდა პირველი ქვეყანა ევროკავშირში, რომელმაც მთლიანად უარი თქვა რუსულ გაზზე.
გაზი ლატვია
