დიდი ბრიტანეთის საგარეო საქმეთა მინისტრი, რომელიც ამავდროულად გახლავთ ფავორიტი პრემიერ-მინისტრობის კანდიდატი ბორის ჯონსონის პოსტიდან წასვლის შემდეგ, არ გამორიცხავს ქვეყანაში ელექტროენერგიაზე ფასის „გაყინვა“ მოხდეს. ამის შესახებ დღევანდელი The Daily Telegraph-ი წერს.
გაზეთის წყაროების ცნობით, ტრასმა ბოლო დღეებში მოვლენათა მსგავსი სცენარი ენერგეტიკული ინდუსტრიის წარმომადგენლებთან შეხვედრაზე განიხილა, რომელთა შორის მისი კაბინეტის მომავალი წევრი კვაზი კვარტენგიც იყო. BBC-ის საღამოს ეთერში ტრასმა დეტალებზე საუბრისგან თავი შეიკავა, თუმცა პირობა დადო, რომ მუშაობს გეგმაზე, რომელსაც მომდევნო რამდენიმე კვირაში წარმოადგენს.
თავის მხრივ, გამოცემა The Times-მა საკუთარ წყაროებზე დაყრდნობით დაწერა, რომ ტრასი აპირებს ერთგვარი ხელოვნური ზღვარის დაწესებას ენერგიის საფასურზე და ამავდროულად მომწოდებლებისთვის ხარჯების ანაზღაურებას. როგორც ცნობილია, მანამდე ლეიბორისტული პარტიის ლიბერალურმა ფრთამ მოუწოდა ხელისუფლებას, „გაყინონ“ დენის საფასური ამჟამად არსებულ დონეზე.
26 აგვისტოს დიდი ბრიტანეთის გაზისა და ენერგიის სამმართველომ გამოაცხადა, რომ ელექტროენერგიაზე საფასური 1-ლი ოქტომბრიდან 80%-ით გაიზრდებოდა, რეკროდულ წლიურ 3,549 გირვანქა სტერლინგამდე. ბოლოს მარეგულირებელმა ქვეყანაში დენის ფასს აპრილში გადახედა, მაშინ როცა ის 54%-ით გაძვირდა წლიურ 1971 ფუნტ სტერლინგამდე.
ლიზ ტრასი
