L'Occitane დახურავს ყველა მაღაზიას და შეაჩერებს ონლაინ გაყიდვებს რუსეთში. ამის შესახებ კომპანიის ვებ-გვერდზეა აღნიშნული.
როგორც ფრანგული კომპანიის განცხადებაში ვკიხულობთ, ის გააგრძელებს ხელფასების გადახდას რუსი თანამშრომლებისთვის.
კომპანიის მენეჯმენტის განმარტებით, ბოლო რამდენიმე კვირის განმავლობაში L'Occitane-მა მნიშვნელოვნად შეამცირა ბიზნეს ოპერაციები რუსეთში “უკრაინაში მომხდარი ტრაგედიის საპასუხოდ”. მარტის დასაწყისიდან კომპანიას შეჩერებული ჰქონდა ინვესტიციები და გაფართოების გეგმები რუსეთში
“იმისთვის, რომ დავიცვათ ჩვენი თანამშრომლები მთელ მსოფლიოში პოტენციური საზოგადოებრივი შევიწროებისგან, გადავწყვიტეთ დავხუროთ ჩვენი მაღაზიები და შევაჩეროთ ონლაინ გაყიდვები რუსეთში”, - წერია L'Occitane-ის განცხადებაში.