მობილობის და მანქანების სერვისების მსოფლიო ლიდერმა კომპანია INRIX, Inc.-მა, 2022 წლის გლობალური ტრაფიკის ანგარიში გამოაქვეყნა და დაასახელა ქალაქები, სადაც ყველაზე გადატვირთული მოძრაობაა. 

ზედიზედ მეორე წელია, ლონდონი ამ სიის სათავეშია. გამოცემის ინფორმაციით, ლონდონელები წელიწადში საშუალოდ საცობში 156 საათს ატარებენ. რაც პანდემიამდე შედეგს 5 %-ით აღემატება.

ლონდონში მგზავრობა მძღოლს საშუალოდ 1377 ფუნტი სტერლინგი უჯდებოდა. INRIX-ის მონაცემებით, დანახარჯების მიხდევით დიდ ბრიტანეთში, ლონდონს ბრისტოლი (£805) და მანჩესტერი (£742) მოსდევს. ანგარიშში აღნიშნულია, რომ ნავთობის მაღალი ფასების გამო მგზავრები საწვავში 2022 წელს 212 ფუნტ სტერლინგზე მეტს იხდიდნენ.

გადატვირთული ქალაქების რეიტინგში ლონდონს ჩიკაგო მოსდევს. სადაც მგზავრები საცობში წელიწადში დაახლოებით 155 საათს ატარებენ. ათეულში ოთხი ქალაქი აშშ-დანაა. რეიტინგში მოხვდა ასევე საფრანგეთის, კანადისა და კოლუმბიის დედაქალაქები.

ქალაქების ათეული, სადაც ყველაზე გადატვირთული მოძრაობაა ასე გამოიყურება:

ლონდონი, გაერთიანებული სამეფო – საცობში ატარებენ 156 საათს;

ჩიკაგო, ამერიკის შეერთებული შტატები – 155 საათს;

პარიზი, საფრანგეთი – 138 საათს;

ბოსტონი, ამერიკის შეერთებული შტატები – 134 საათს;

ბოგოტა, კოლუმბია – 122 საათს;

პალერმო, იტალია – 121 საათს;

ტორონტო, კანადა – 118 საათს;

ნიუ-იორკი, ამერიკის შეერთებული შტატები – 117 საათს;

მონტერეი, მექსიკა – 116 საათს;

ფილადელფია, ამერიკის შეერთებული შტატები – 114 საათს.