დიდ ბრიტანეთში პანდემიის გამო რესტორნების დახურვის ყველაზე დიდი ტვირთი ლონდონს დააწვა. კარანტინმა სტუმარმასპინძლობის სექტორი ისე  შეაფერხა, რომ ყოველი მეშვიდე რესტორანი იძულებულია მუშაობა შეაჩეროს  - ამის შესახებ ინფორმაციას  Financial Times-ი ავრცელებს. AlixPartners-ისა და CGA-ის მიერ შეგროვებული მონაცემების მიხედვით, 2020 წლის მარტიდან 2022 წლის ივნისამდე, Square Mile-ში ლიცენზირებული შენობების 14 %-ი დაიხურა.

რესტორნების დაახლოებით 14%-ი დაიხურა ინგლისის სიდიდით მეორე ქალაქ ბირმინგემშიც, ყველაზე მეტად დაზარალებული შემდეგი ქალაქი იყო გლაზგო, სადაც სტუმარმასპინძლობის სექტორიდან ბიზნესის 10%-ი დაიხურა.

კორონავირუსით გამოწვეული პანდემიის დაწყებამდე, დედაქალაქს ემატებოდა რესტორნები, რითაც ლონდონი ამსხვრევდა რესტორნების დახურვის ტენდენციას დიდ ბრიტანეთში და 5 წელიწადში 2014 წლიდან 2019 წლის მარტამდე რესტორნების  რაოდენობა 10% -ით  იყო  გაზრდილი.

აგვისტოს დასაწყისში ლონდონში სამუშაო ადგილებზე ვიზიტი პანდემიამდელ მაჩვენებელზე 33% - ით ნაკლებია,   covid 19 - ის გამო მოგზაურობაზე  დაწესებულმა თუ  სხვა  შეზღუდვებმა  დედაქალაქი უფრო მეტად  დააზარალა  ვიდრე სხვა ქალაქები აღნიშნა CGA-ს სტუმარმასპინძლობის  სექტორის  დირექტორმა. „ამ პერიოდში ბევრი ობიექტის კარი დაიხურა და გაურკვეველია თუ როდის გაიხსნება ის“  -  დასძინა მან.

ბოლო ორი წლის გამავლობაში დახურული  რესტორნების მსხვერპლთა შორის  არის რესტორანი Kym`s , მიშლენის ვარსკვალიანი შეფ — მზარეულის  რესტორანი ენდრიუ ვონგის რესტორანი Bloomberg Arcade -ში,  Mark Hix's Oyster and Chop House  და იამაიკური რესტორანი Tracks & Records.

საკონსულტაციო კომპანია AlixPartners-ის მმართველმა დირექტორმა გრემ სმიტმა აღნიშნა, რომ ”ბოლო ორი წლის კატასტროფული მოვლენების გათვალისწინებით, მაჩვენებლები მაინც კარგად შენარჩუნდა”.

ბევრმა კომპანიამ ქალაქში  სამდღიანი სამუშაო კვირა მიიღო, ორშაბათი არის დღე, როდესაც ლონდონის ცენტრში აქტივობა  ყველაზე დაბალია.

მონაცემების პროვაიდერის Springboard-ის თანახმად, ივლისის ორშაბათის საშუალო მაჩვენებელი პანდემიამდელ მაჩვენებელზე თითქმის 30 პროცენტით შემცირდა. პანდემიამდე ქალაქი ჩვეულებრივ  ყოველდღიურად 530,000 მომხმარებელს  იზიდავდა.

City of London Corporation-მა 2,5 მილიონი ფუნტი სტერლინგი ჩადო ამ ტერიტორიის ხელოვნებისა და სტუმართმოყვარეობის სექტორებში და შემოდგომაზე რაიონი უმასპინძლებს რამდენიმე გარე ფესტივალს და სხვა ღონისძიებებს.

”ჩვენ ვნახეთ პანდემიის გავლენა ქვეყნის მაღალ ქუჩებზე,” - თქვა კორპორაციის პოლიტიკის ხელმძღვანელმა კრის ჰეივორდმა. მისი თქმით, ინვესტიცია „ხელახლა წარმოიდგენს ქალაქს, როგორც მსოფლიოს წამყვან დანიშნულებას  ვიზიტორებისთვის და მაცხოვრებლებისთვის“.

თაკო კვაჭანტირაძე