ყაზახეთში მიმდინარე მოვლენების ფონზე ლონდონის საფონდო ბირჟაზე კაპიტალიზაციით უმსხვილესი ფინტექ-კომპანიის Kaspi.kz აქციები ჩამოიშალა. ამის შესახებ ინფორმაციას ყაზახეთის მინორიტარულ აქციონერთა ასოციაცია ავრცელებს. მათი ინფორმაციით, ყველაზე მეტი შემოსავალი Kaspi.kz-მა დაკარგა  - 5 იანვრის ვაჭრობის შედეგად კომპანიის დანაკარგმა 30% შეადგინა.

შეგახსენებთ, რომ ყაზახურმა კომპანია Kaspi-მ, სტანდარტული ბანკიდან ფინტექ-კომპანიამდე დიდი და რთული გზა გაიარა. წარმოშობით ქართველმა ბიზნესმენმა მიხეილ ლომთაძემ, ბანკისგან მთელი ეკოსისტემის შექმნა. Kaspi სუპერაპლიკაცია ერთდროულად არის: საგადახდო სისტემა, მარკეტფლეისი და ფინტექი. გამოცემა წერს, რომ ყველა ეს ნაწილი, ერთდროულად, ურთიერთკავშირშიცაა და დამოუკიდებელიც.  2012–2013 წლებში Kaspi საგადახდო ტერმინალებს ნერგავდა. 2014–2016 წლებში გაუშვა მარკეტფლეისი, მიწოდება და ლოიალობის პროგრამა. 2017–2019 წლებში ქმნის აპლიკაციას, ხოლო 2020–ში ლონდონის ბირჟაზე გადის. ევროპის ტექნოლოგიურ კომპანიებს შორის მისი აქციების მოცულობა განთავსების შემდეგ მესამე ადგილზე გავიდა. 2021 წელს კომპანია $21 მილიარდად იყო შეფასებული. დღეს Kaspi-ს სერვისს ყოველთვიურად ყაზახეთის 18-მილიონიანი მოსახლეობიდან 7.8 მილიონი იყენებს.

ამასთან, მასშტაბური პროტესტი ყაზახეთში საწვავის ფასების მატების გამო დაიწყო, რომელიც პოლიციასთან დაპირისპირებაში გადაიზარდა. სამართალდამცველებმა დემონსტრანტების წინააღმდეგ ცრემლსადენი გაზი და სპეციალური შუშხუნები გამოიყენეს, თუმცა პროტესტი არ შეწყდა. მასობრივი საპროტესტო აქციების ფონზე მთავრობა გადადგა. გადაწყვეტილება ქვეყნის პრეზიდენტმა, ყასიმ-ჟომართ თოყაევმა მიიღო.