კაფე-სანაყინეების ქსელი „ლუკა პოლარე“ ფართოვდება. ფერად-ფერადი ნაყინის ბურთულებით ცნობილი ბრენდი ახალ ფილიალს ხვალ, 10 ივნისს თბილისში, მთაწმინდაზე, ჭონქაძის #22-ში გახსნის.
როგორც ,,ლუკა პოლარეს“ საზოგადოებათან ურთიერთობისა და მარკეტინგის ხელმძღვანელი ანი ციცქშივილი ,,კომერსანტთან“ აცხადებს, ახალი სანაყინე ქვეყნის მასშტაბით 22-ე, ხოლო თბილისში რიგით მე–15 ფილიალი იქნება.
„ვაგრძელებთ ზაფხულის კარგი ამბების სერიას და მორიგი ფილიალი გახსნისთვის ვემზადებით, ამჯერად მთაწმინდის უბანს ვეწვევით.
ახალი ფილიალების გარდა, მთელი სეზონის განმავლობაში, ბევრი სიახლე გვაქვს დაგეგმილი ჩვენი ერთგული სტუმრებისთვის“, - ამბობს ანი ციცქშივილი.
მისივე ინფორმაციით, აღნიშნულ ფილიალში დამატებით 4-5 თანამშრომელი დასაქმდება.
ახალი ფილაილის საინვესტიციო ღირებულება 150 000 ლარია.
მიმდმინარე სეზონზე 3 ფილიალის შემდეგ კომპანია დამატებით 1 ახალი ფილიალის გახსნას კიდევ აანონსებს.
ცნობისთვის, ,,ლუკა პოლარე“ კაფე-სანაყინეების ქსელია, რომელიც მომხმარებელს 70-მდე სახეობის ნაყინს და ექსკლუზიურ ყავას სთავაზობს. ბრენდი უკვე 14 წელია საქართველოს ბაზარზე მოღვაწეობს და ამ დროისთვის საქართველოს მასშტაბით 4 ქალაქშია წარმოდგენილი, თბილისში 15 ფილიალით, ბათუმში - 4 და ქობულეთში - 1, რუსთავში - 1 და ქუთაისში 1.
მარი ჩიტაია