კაფე-სანაყინეების ქსელი „ლუკა პოლარე“ გაფართოებას განაგრძობს. ფერად-ფერადი ნაყინის ბურთულებით ცნობილი ბრენდი, 23 ივლისს საქართველოს მასშტაბით, რიგით 23-ე განსხვავებული ფორმატის ახალ ფილიალს თბილისში, დედაენის ბაღში ხსნის. თბილისის მასშტაბით ეს რიგით მე–15 ფილიალია.

ფილიალის გარე ტერასაზე სხვადასხვა სივრცეები მოეწყობა, მათ შორის საბავშვო მოედანი და ალკოჰოლური ბარი. სივრცე მთელი სეზონის განმავლობაში სხვადასხვა ღონისძიებებს უმასპინძლებს.

როგორც კომპანიის დირექტორი თეა თაბაგარი აღნიშნავს, ახალ ფილიალში სხვა პროდუქტებთან ერთად ალკოჰოლური სასმელიც გაიყიდება.

„სტრატეგიული განვითარების გეგმას დედაენის ბაღში ფილიალის გახსნით ვაგრძელებთ. ახალი ფილიალი განსხვავებულია თავისი სპეციფიკით, მოეწყობა სხვადასხვა სივრცე, როგორც ბავშვებისთვის, ასევე უფროსებისთვის. პირველი პრეცედენტია, როდესაც ჩვენს ფილიალში ალკოჰოლური სასმელი გაიყიდება და საღამოს განტვირთვის მსურველებისთვისაც შესაბამისი გარემო გვექნება. დარწმუნებულები ვართ ჩვენი განსხვავებული ფილიალი ყველასთვის საყვარელი სივრცე გახდება“ - აღნიშნა თეა თაბაგარმა.

როგორც კომპანიის საზოგადოებასთან ურთიერთობისა და მარკეტინგის ხელმძღვანელი ანი ციცქიშვილი ამბობს, მთელი სეზონის განმავლობაში ახალ ფილიალში “Be Cool and Happy” კამპანია ჩაეშვება.

„მთელი სეზონის განმავლობაში ახალ ფილიალში “Be Cool and Happy” კამპანია ჩაეშვება. ქალაქში დარჩენილი ჩვენი სტუმრებისთვის, ფილიალის ტერასაზე ყოველ კვირეული ღონისძიებები გაიმართება. პატარებისთვის გვექნება შემეცნებითი და გასართობი პროგრამები, საღამოს ღონისძიებები უფროსებისთვის, მოეწყობა სხვადასხვა მასტერკლასები და შეხვედრები საინტერესო ადამიანებით.“- აღნიშნა ანი ციცქიშვილმა.

აღნიშნულ ფილიალში დამატებით 15-მდე თანამშრომელი დასაქმდება.

ლუკა პოლარე კაფე-სანაყინეების ქსელია, რომელიც მომხმარებელს 70-მდე სახეობის ნაყინს და ექსკლუზიურ ყავას სთავაზობს. ბრენდი უკვე 14 წელია საქართველოს ბაზარზე მოღვაწეობს და ამ დროისთვის საქართველოს მასშტაბით 4 ქალაქშია წარმოდგენილი, თბილისში 15 ფილიალით, ბათუმში - 4 და ქობულეთში - 1, რუსთავში - 1 და ქუთაისში 1.