ბელორუსის პირდაპირი მონაწილეობა უკრაინის წინააღმდეგ ომში ნაკლებად სავარაუდოა. ლუკაშენკომ უკრაინის წინააღმდეგ ომში მონაწილეობაზე, სავარაუდოდ, უარი თქვა. განცხადებას ამერიკული ომის შესწავლის ინსტიტუტი აქვეყნებს (ISW).
ომის შესწავლის ინსტიტუტის ანალიტიკოსებმა აღნიშნეს, რომ პუტინმა და ლუკაშენკომ შეხვედრაზე უკრაინაში ომის განხილვისაგან თავი შეიკავეს. ამავდროულად, მინსკში აცხადებენ, რომ ისინი დასავლეთისგან საფრთხეს გრძნობენ. თავის მხრივ, პუტინმა ლუკაშენკოს ბელორუსი მფრინავების გადამზადებაც შესთავაზა.
„ლუკაშენკო, თითქოს, ქვეყნის საზღვრებს დასავლეთისა და ნატოს აგრესიისგან იცავს და ამ რიტორიკით ცდილობს თავიდან აირიდოს უკრაინის ომში პირდაპირი მონაწილეობა. ბელარუსის პრეზიდენტმა მსგავსი არგუმენტებით გაამართლა ბელარუსში 17 თებერვალს ბირთვული იარაღის შესაძლო განთავსება,“ - ნათქვამია განცხადებაში.
ამავე დროს, ლუკაშენკომ განაცხადა, რომ მოსკოვი მათ S-400 საჰაერო თავდაცვის სისტემებს და ისკანდერის კომპლექსებს მიაწვდის. რუსეთის ფედერაციის პრეზიდენტის თქმით, მხარეებმა თავდაცვის სივრცის ფორმირებაზეც ისაუბრეს. ამასთან დაკავშირებით, ანალიტიკოსები მივიდნენ დასკვნამდე, რომ ლუკაშენკო ბელარუსის უკრაინის წინააღმდეგ ომში ჩაბმას არ გეგმავს.