„ლუკოილის“ დირექტორთა საბჭოს თავმჯდომარე რავილ მაგანოვი საავადმყოფოს ფანჯროდან გადმოვარის შედეგად გარდაიცვალა, ინფორმაციას რუსული მედია ავრცელებს. მათ შორის ტელეკომპანა РЕН-ი წყაროს მიუთითებლად,

ნავთობკომპანიის 67 წლის მმართველი მენეჯერი, მოსკოვში ცენტრალურ კლინიკურ საავადმყოფოში მკურნალობდა, კლინიკის მეექვსე სართულზე მდებარე განყოფილებაში.

„ინტერფაქსს“ წყარომ დაუდასტურა, რომ მაგანოვი დაიღუპა.

„დღეს დილის მაგანოვი ცენტრალური კლინიკური საავადმყოფოს ფანჯრიდან გადმოვარდა. დაიღუპა მიღებული ტრავმებისგან“, - აცხადებს სააგენტოსთან წყარო.

მისი სიკვდილის შესახებ ცნობა გაავრცელა ტელეგრამის არხმა Mash-მა.

არსებობს სუიციდის ვერსიაც, რისი გადამოწმებაც დამოუკიდებელი წყაროს მეშვეობით ვერ ხერხდება.

"ლუკოილის დირექტორთა საბჭოს თავმჯდომარემ რავილ მაგანოვმა მოსკოვის დასავლეთით მდებარე ცენტრალურ კლინიკურ საავადმყოფოში თავი მოიკლა",- ამის შესახებ სააგენტო ტასს სამართალდამცავმა უწყებებმა განუცხადეს.

"მარშალ ტიმოშენკოს ქუჩაზე მდებარე ცენტრალურ კლინიკურ საავადმყოფოში თვითმკვლელობის შედეგად გარდაიცვალა "ლუკოილის" დირექტორთა საბჭოს ხელმძღვანელი მაგანოვი. ის საავადმყოფოში გულის შეტევის გამო მოათავსეს",- აცხადებს სააგენტოს თანამოსაუბრე.

გამოცემა „მედუზა“ წერს, რომ კომპანია „ლუკოილში“ ჯერ კომენტარი არ გაუკეთებიათ.

1980-იან წლებში მაგანოვი მუშაობდა, „Лангепаснефтегаз“- ში მუშაობდა, რომელიც 1991 წელს დაარსებული „ლუკოილის“ ნაწილი გახდა. მაგანოვი კომპანია „ლუკოილის სახელის ავტორია. ის 1993 წლიდან კომპანიის დირექტორთა საბჭოს წევრი იყო, 2020 წელს კი ხელმძღვანელობდა მას. 2006 წლიდან მაგანოვი კომპანიის პირველი აღმასრულებელი ვიცე პრეზიდენტია. რავილ მაგანოვი „Татнефти“-ის აღმასრულებელი დირექტორის ნაილ მაგანოვის ძმაა.

https://www.radiotavisupleba.ge/