რუსეთის თავდაცვის სამინისტრომ განაცხადა, რომ უკრაინაში, ლვოვთან ქალაქ იავორივის საწვრთნელ ობიექტზე მისი თავდასხმის შედეგად "180-მდე უცხოელი დაქირავებული ჯარისკაცი" დაიღუპა.
ოფიციალური მოსკოვის ცნობით, დასავლეთ უკრაინაში განხორციელებული ავიაიერიშების შედეგად, ასევე გაანადგურეს სხვადასხვა ქვეყნების მიერ უკრაინისთვის
მიწოდებული იარაღის დიდი რაოდენობა.
რუსეთის თავდაცვის უწყების წარმომადგენელმა იგორ კონაშენკოვმა ბრიფინგზე განაცხადა, რომ რუსეთი გააგრძელებს თავდასხმებს „უცხოელი დაქირავებული სამხედროების“ წინააღმდეგ.
უკრაინის ოფიციალური პირების ცნობით, თავდასხმის შედეგად 35 ადამიანი დაიღუპა და 134 დაიჭრა.
შეგახსენებთ, კვირას დილით, დასავლეთ უკრაინაში მდებარე სამხედრო ცენტრი 30 რუსული რაკეტით დაიბომბა. ავიაიერიში უკრაინა-პოლონეთის საზღვართან ახლოს მოხდა.აღნიშნული თავდასხმა მას შემდეგ მოხდა, რაც რუსეთის საგარეო საქმეთა მინისტრის მოადგილემ, სერგეი რიაბკოვმა განაცხადა, რომ მოსკოვი უკრაინაში დასავლური იარაღის მიწოდების კოლონებს „ლეგიტიმურ სამიზნეებად“ მიიჩნევს.
Ipn.ge