აგვისტოში კომპანია „მაგალი“ იტალიაში პირველ ექსპორტს განახორციელებს. მხარეებს შორის მოლაპარაკებები უკვე დასრულებულია და 500 ტონამდე 3 სახეობის ცოცხალი პომიდორი იტალიაში მიმდინარე წლის აგვისტოში გავა.
როგორც „მაგალის“ მფლობელმა „ბიზნესპარტნიორთან“ განაცხადა, პომიდორი 3,5 ჰექტარზე სპეციალურად იტალიელების მოთხოვნებისა და წესების შესაბამისად დაირგო და მთელი მოსავალი იტალიაში გაიგზავნება.
„იტალიელებმა პროდუქტი წინასწარ შეგვიკვეთეს. ჩვეულებრივი პომიდორია, მაგრამ არა საგაზაფხულო და განსხვავებულად, მათი წესების დაცვით დარგული,“ – ამბობს რაფაელ მაღალაშვილი
„მაგალი“ ქარელის მუნიციპალიტეტის სოფელ ქვენატკოცაში 25 ჰექტრამდე მიწას ფლობს, სადაც ყვავილოვანი კომბოსტოს, ბროკოლის, მარწყვისა და ახლა უკვე პომიდორის მოსავალი მოყავს. მეურნებოაში 30 ადამიანია დასაქმებული.
„ბიზნესპარტნიორი“