სწრაფი ქვების რესტორნების ქსელის „ტერემოკი“ დამფუძნებელი მიხაილ გონჩაროვი რუსეთიდან მაკდონალდსის შესაძლო გასვლასთან დაკავშირებით აცხადებს, რომ რუსეთის ბაზარზე მისი მუშაობის პერიოდში ხელისუფლების მხრიდან ბიზნესის განვითარების სტიმულირების არც ერთი მცდელობა არ ახსოვს.

რუსული გამოცემა daily.afisha.ru გონჩაროვის განცხადებას ციტირებს, რომელიც მან სოციალურ ქსელში გამოაქვეყნა:

„ვწერ მკაცრად, მაგრამ სამართლიანად. ბოლო კვირის განმავლობაში მედიასა და სოცქსელებში ბევრჯერ ახსენეს ტერემოკი და ჩემი სახელი რუსეთიდან მაკდონალდსის წასვლასთან დაკავშირებით. ვიღაც იმასაც კი წერდა, რომ თითქოს ჩემი ოცნება ახდა. რა თქმა უნდა, ასეთი ოცნება მე არასდროს მქონია. მე მხოლოდ იმას ვლაპარაკობდი, რომ კონკურენცია სამართლიანი უნდა იყოს. მე არ მომწონდა, რომ მაკდონალდსი წლების განმავლობაში იღებდა პრეფერენციებს, როდესაც ისედაც ძლევამოსილი კომპანია და მსოფლიო ლიდერია. ამაზე ხმამაღლა ვსაუბრობდი. ადამიანებმა, რომლებმაც ეს პრიმიტიული მოსაზრება ვერ გაიგეს, გადაწყვიტეს, რომ მე ვებრძვი მაკდონალდს და მისი წასვლა ან საერთოდ დახურვა მინდა.

რა თქმა უნდა, რუსეთში მაკდონალდსის ადგილს ვერავინ დაიკავებს, რადგან ასეთი სირთულისა და სისტემის ბიზნესი რუსეთში დღეს უბრალოდ არავის გააჩნია. კიდევ იმ მარტივი მიზეზის გამო ვერ დაიკავებენ მის ადგილს, რომ საშუალო ჩეკი და კერძების ფასი მაკდონალდში ყოველთვის ექსტრემალურად დაბალი იყო“, – წერს ბიზნესმენი.

daily.afisha.ru