ნიუ-იორკში დაფუძნებულმა კომპანია Studio Sofield-მა Steinway Tower-ი, 435 მეტრიანი სიმაღლის კოშკი წარმოადგინა, რომელიც ცენტრალურ პარკს გადაჰყურებს. 91-სართულიანი ცათამბჯენი იმ ადგილზე აშენდა, სადაც ოდესღაც ისტორიული პიანინოს კომპანია Steinway & Sons-ი იყო განთავსებული. ცათამბჯენი 46 სართულიანია და დუპლექს რეზიდენციასაც მოიცავს. ინფორმაციას CNN-ი ავრცელებს.
დიზაინერების მიერ გამოქვეყნებულ ფოტოებში ჩანს კირქვით, მარმარილოთი, შავი ფოლადითა და ხავერდით მოპირკეთებული მდიდრული ინტერიერი, ნაცრისფერი მყარი მუხის იატაკით და პიკასოსა და მატისის ორიგინალური ნამუშევრებით.
სტუდია Sofield-ში აცხადებენ, რომ Steinway Tower-ის ინტერიერი ნიუ-იორკის „ოქროს ეპოქის“ სიდიადის გამოსახატავადა შექმნილი როცა, მე-19 საუკუნის ბოლოს, ქალაქის ბულვარები ბარონების - ენდრიუ კარნეგისა და კორნელიუს ვანდერბილტის დიდებული სასახლეებით იყო გაფორმებული.
„ჩვენ ყველანი ძალიან ბევრ მდიდრულ ადგილას ვყოფილვართ, მაგრამ მე მინდოდა შემექმნა ისეთი შენობა, რომლის მსგავსი მსოფლიოში არსად იქნება“, განაცხადა სტუდია Sofield-ის დამფუძნებელმა უილიამ სოფილდმა CNN-ტან საუბრისას.
შენობის მოიცავს 25 მეტრიან საცურაო აუზს ავსტრალიური პალმებით, მისი ხის პანელი კი დიდი ოქროს ფოთლის დეტალებითაა მორთული, ნიუ-იორკის ლეგენდარული King Cole Bar-ის კედლები კი ოქროსა და ვერცხლითაა მოპირკეთებული, კოშკის ფასადი ტერაკოტას ბლოკებისგანაა დამზადებული, რომელიც განათებასა და რაკურსზე ფერსა და ტექსტურას იცვლის.
435 მეტრიანი კოშკი ერთ-ერთი ყველაზე მაღალი შენობაა დასავლეთ ნახევარსფეროში მსოფლიო სავაჭრო ცენტრისა (541 მ) და ცენტრალური პარკის კოშკის (472 მ) შემდეგ.
ბინების ფასი მანჰეტენის ცათამბჯენში 66 მილიონი დოლარიდან 75 მილიონ დოლარამდე მერყეობს.
მოამზადა მაკა ბიბილაშვილმა