მილიარდერს, და ამჟამად კომპანია Meta-ს მფლობელს მარკ ცუკერბერგს 2022 წელი ადამიანის ხელოვნურ ინტელექტთან თანამშრომლობის და მეტარეალობის ეპოქის დაწყების წლად მიაჩნია.
2021 ოქტომბერში ცუკერბერგმა Facebook-ს სახელი გადაარქვა და ახალი პროდუქტი - მეტასამყარო წარადგინა. ამ ვირტუალურ რეალობაში შესაძლებელია იქნება თითქმის სრულფასოვანი ცხოვრება ავატარების მეშვეობით - ოფისში მუშაობა, ოფიციალური შეხვედრების გამართვა, შეხვედრა მეგობრებთან, და ა.შ.
2022 წელს კომპანია გამოუშვეს ვირტუალური რეალობის ახალ მუზარადს, რომელიც ადამიანების მეტასამყაროში სრული ინტეგრირების საშუალებას მისცემს. Meta ასევე ცდის ახალ პროგრამას დისტანციური მუშაობისთვის Horizon Workrooms, რომელშიც თანამშრომლები ერთმანეთს ავატარების მეშვეობით შეხვდებიან, ერთად იმუშავებენ ვირტუალურ ოფისებში, ჩაატარებენ საქმიან შეხვედრებს და კონფერენციებს.
2022 წელს Meta აშშ-ში და კანადაში მომხმარებლებისთვის Horizon-ის ვირტუალურ სამყაროსთან უფასო წვდომას დანერგავს. სისტემის ტესტირება ჯერ კიდევ 2020 წელს დაიწყო, და დღეს ის გამოყენებისთვის მზადაა.
სავარაუდოდ, წლის ბოლოსთვის მეტასამყარო სხვა ქვეყნების მოქალაქეებისთვისაც გაიხსნება. თავად ცუკერბერგი მეტასამყაროს ასე ხედავს: „ურთიერთქმედება გაცილებით უფრო მდიდარი იქნება, შეგრძნებები თითქმის რეალური იქნება. მომავალში იმის ნაცვლად, რომ ისაუბროთ ტელეფონი, თქვენ შეძლებთ თანამშრომლებთან ერთად ერთ მაგიდასთან ჯდომას, და მათ ავატარებთან სრულფასოვანი ურთიერთობების დამყარება“- მიიჩნევს ის.
პირველი კომპანია, რომელიც მეტასამყაროს რეალობაში დანერგავს, თავისთავად ცხადია კომპანია Meta იქნება, რომლის 120 000 თანამშრომლიდან ნახევარი ვირტუალური ავატარებით ივლის სამსახურში.
2022 წელს ცუკერბერგი დანერგავს გადასატან მოწყობილობებს, რომლების მეტასამყაროს კონკურენტუნარიანობას გაზრდიან - მაგალითად, ერთობლივი პროდუქტი სათვალეების მწარმოებელ Ray-Ban-თან - ჭკვიან სათვალეებს, რომლებიც აღჭურვილია სპეციალური კამერით, შეუძლია გადაღებული კონტენტის გაზიარება, მუსიკის მოსმენა, და სატელეფონო ზარების მიღება.
ცუკერბერგის თქმით, მისი და მისი მეუღლის ფონდი Chan Zuckerberg Initiative 2022 წელს შექმნის მეცნიერულ ცენტრს, რომელიც ადამიანის სხეულს ხელოვნური ინტელექტის მეშვეობით შეისწავლის.
„წარმოიდგინეთ, რომ გახდება შესაძლებელი დაავადებების ვიზუალიზაცია. ჩვენ დავინახავთ რეალურ დროში როგორ ვითარდება სიმსივნე, როგორც ხდება ქსოვილების და იმუნური სისტემის, ამ ტვინის და სხეულის ურთიერთქმედება. ეს მნიშვნელოვნად გაამარტივებდა მკურნალობის პროცესს“ - პროგნოზირებს მილიარდერი.
ფონდი ასევე გააფართოებს უფრო მოქმედ პროგრამას, რომელიც ინფექციურ დაავადებებს და მათი მკურნალობის ახალ მეთოდებს იკვლევს.
ასევე 2022 წელს ცუკერბერგი გახსნის ჰარვარდის უნივერსიტეტში ხელოვნური ინტელექტის შემსწავლელ ცენტრს.
„ჩვენ გავაერთიანებთ ხელოვნურ ინტელექტს და ბიომედიცინა,და ეს მისცემს ექიმებს ადამიანის ორგანიზმის ახსნის და მკურნალობის სრულიად ახალ ინსტრუმენტებს“- განაცხადა ცუკერბერგმა.
ავტორი: თენგიზ აბლოთია
მარკ ცუკერბერგი
