ეკონომიკა მარტში, გასული წლის ანალოგიურ პერიოდთან შედარებით 10.6%-ით, პირველ კვარტალში კი 14.4%-ით გაიზარდა. ინფორმაციას ამის შესახებ საქსტატი ავრცელებს.
2022 წლის მარტში, წინა წლის შესაბამის პერიოდთან შედარებით ზრდა შეინიშნებოდა შემდეგ დარგებში: ელექტროენერგიის, აირის, ორთქლის და კონდიცირებული ჰაერის მიწოდება, ტრანსპორტი და დასაწყობება, სასტუმროები და რესტორნები, მშენებლობა, ხელოვნება, გართობა და დასვენება, სამთომოპოვებითი და დამამუშავებელი მრეწველობა.
მარტში სამომხმარებლო ფასები 11.8%-ით, სამრეწველო პროდუქციის მწარმოებელთა ფასების ინდექსი კი 19.3%-ით გაიზარდა. ახლადდარეგისტრირებულ საწარმოთა რაოდენობამ 72%-იანი ზრდის შემდეგ 9114-ს მიაღწია, 24.4%-ით 10.095 მლრდ ლარამდე გაიზარდა დღგ-ს გადამხდელ საწარმოთა ბრუნვაც.
პირველ კვარტალში გაიზარდა საგარეო ვაჭრობის ბრუნვაც, კერძოდ ექსპორტი 43.3%-ით $1.172 მლრდ-მდე, იმპორტი 35.7%-ით $2.693 მლრდ-მდე და მთლიანი ბრუნვა 37.9%-ით $3.865 მლრდ-მდე.
მშპ
