2022 წლის მარტის მდგომარეობით, საქართველოში მოქმედი 14 კომერციული ბანკის ჯამურმა აქტივებმა 61,79 მილიარდი ლარი შეადგინა. ეროვნული ბანკის მონაცემებით, მარტში, წინა თვესთან შედარებით, ბანკების აქტივები 98 მლნ ლარით გაიზარდა.

შედარებისთვის, 61,79 მილიარდი ლარი, 2022 წლის საპროგნოზო მშპ-ის (ბიუჯეტი 6%-იან ეკონომიკურ ზრდაზე არის დაგეგმილი) ანუ 64.8 მილიარდი ლარის 95%-ია. თუმცა, რუსეთ-უკრაინის ომის გამო, ბიუჯეტის კორექტირებაზე მუშაობა უკვე მიმდინარეობს, სავარაუდოდ ცვლილებები შეეხება მშპ-ს ზრდასაც, შესაბამისად, წელსაც ბანკების აქტივები საქართველოს მშპ-ს გადააჭარბებს. 

აქტივების ზრდა სესხებისა და დეპოზიტების მოცულობის ცვლილებამ განაპირობა. კერძოდ, მარტში წმინდა სესხების მოცულობამ 41,4 მილიარდი ლარი, ხოლო არასაბანკო დეპოზიტების მოცულობამ 437,1 მილიარდ ლარი შეადგინა.

საბანკო სექტორის სააქციო კაპიტალი 8,1 მლრდ ლარს შეადგენს. კომერციული ბანკების მთლიანი პასივები კი 61,8 მლრდ ლარი გახდა