პროფესიონალი ჩამხუტებლიდან და ბოდიშის მომხდელიდან დაწყებული, შინაური ცხოველების ფსიქოლოგიამდე დასრულებული, აქ შევეცდებით ისეთი უცნაური პროფესიები ჩამოვთვალოთ, რომლებზეც შესაძლოა, აქამდე არასოდეს გსმენიათ.

მატლების შემგროვებელი: 9,67 დოლარი საათში

ეს სამუშაო მოიცავს სატყუარა ჭიების პოვნას ბალახიან ადგილებში. როგორც წესი, დასაქმებული საათში 800-დან 1000-მდე მატლს პოულობს. მათი შეგროვებისთვის Canada Live Bait Supply საათში 9,67 დოლარამდე იხდის.

სანტას წერილების დამწერი: 10,50 დოლარი თითო წერილში

ამ ადამიანებს ძალიან მნიშვნელოვანი საქმე აქვთ - თოვლის ბაბუას ყველა წერილზე პასუხის გაცემაში დაეხმარონ. მსოფლიოში ასეთი ასობით დამოუკიდებელი სააგენტო არსებობს. ფინეთში არსებული ერთ-ერთი ასეთი კომპანია თითო წერილზე დაახლოებით 10,50 დოლარს იხდის.

სტილისტი- თერაპევტი: 17 დოლარზე მეტი საათში

სტილისტ-თერაპევტი არის დალაქი, რომელიც მასთან მისულებს თმის შეჭრასთან ერთად არაფორმალურ თერაპიას სთავაზობს. მათი საშუალო ხელფასი საათში 17 დოლარია, მაგრამ სავარაუდოა, რომ ეს პროფესიონალები უფრო მეტს გამოიმუშავებენ.

პროფესიონალი მგლოვიარე: 120 დოლარი დაკრძალვისთვის

პროფესიონალი მგლოვიარეები, ასევე ცნობილი როგორც მოიროლოგები, ხშირად გვხვდება დაკრძალვის დროს აფრიკისა და აზიის ნაწილებში. მე-19 საუკუნეში ევროპასა და ჩრდილოეთ ამერიკაში ეს პრაქტიკა მოდიდან ამოვარდა, მაგრამ სამგლოვიარო გაქირავების სერვისები დასავლეთში ბრუნდება. დღეს პროფესიონალი მგლოვიარეები დაკრძალვისთვის 120 დოლარამდე იღებენ.

პროფესიონალი ჩამხუტებელი: 80 დოლარამდე საათში

ეძებთ პრაქტიკულ კარიერას? მაშინ პროფესიონალური ჩახუტება შეიძლება იყოს თქვენთვის. JobMonkey-ის თანახმად, პროფესიონალი ჩამხუტებლები როგორც წესი, საათში 40-დან 80 დოლარამდე გამოიმუშავებენ.

კვლევებმა აჩვენა, რომ ჩახუტებას შეუძლია შეამციროს სტრესის დონე და პოტენციურად გააუმჯობესოს ჩვენი გულის ჯანმრთელობა.

პროფესიონალი ბოდიშის მომხდელი: 500-მდე დოლარი ბოდიშის მოხდაში

იაპონიაში ბოდიშის მოხდის პროფესიონალური სააგენტოები ასაქმებენ ფრილანსერებს, რომ დაწერონ ბოდიშის მომხდელი წერილი. ძირითადად მათ მსხვილი კომპანიები ქირაობენ და 400-დან 500 დოლარამდე უხდიან.

რიგში მდგომელი: 1,500 დოლარამდე თითო ხაზზე

ერთ-ერთი ყველაზე დამღლელი სამუშაო რიგში დგომაა და არც არის გასაკვირი, რომ მათ 1,500 დოლარამდე შეუძლიათ გამოიმუშავონ. ნიუ-იორკში მცხოვრები რიგში მდგომელი რობერტ სამუელი თავისი პროფესიის წყალობით სოციალური ქსელის ვარსკვლავიც კი გახდა.

ცხოველების ფსიქოლოგი: 61,680 დოლარი წელიწადში

თუ მშვიდი ხასიათი გაქვთ და ამასთანავე, ბეწვიანი არსებებიც გიყვართ, შეგიძლიათ შინაური ცხოველების ფსიქოლოგი გახდეთ და წელიწადში დაახლოებით 61,680 დოლარი გამოიმუშავოთ. ეს როლი მოიცავს ცხოველების ქცევის ანალიზს და მათი მფლობელების დახმარებას ნებისმიერი პრობლემის მიზეზების აღმოჩენაში. თქვენ უნდა იყოთ კვალიფიციური ვეტერინარი ან გქონდეთ შესაბამისი დოქტორის ხარისხი.

წყარო:  lovemoney.com,  "ბიზნესპრესნიუსი"