2023 წლის მარტიდან, McDonald's-ის რესტორნების ქსელი უკრაინის სამხრეთ და აღმოსავლეთის რამდენიმე ქალაქში, კერძოდ, ოდესასა და დნიპროში მუშაობას აახლებს. ინფორმაციას უკრაინული მედია კომპანიის მიერ გავრცელებული პრესრელიზზე დაყრდნობით ავრცელებს.

დღეიდან ოდესის 5 ლოკაციაზე იწყებს McDonald's-ი მუშაობას. Finance.ua წერს, რომ აპრილის ბოლოს დნიპროსა და შესაძლოა, კიდევ რამდენიმე ქალაქში განაახლოს McDonald's-ის რესტორნებმა მუშაობა.

ოდესის რესტორნებს, ისევე როგორც McDonald's-ის სხვა ლოკაციებს უკრაინაში, ექნებათ უსაფრთხოების გაფართოებული წესები, რომლის მიხედვითაც, საჰაერო განგაშის შემთხვევაში, გუნდი სწრაფად წყვეტს ყველა პროცესს და ხურავს დაწესებულებას, რათა ყველამ შეძლოს თავშესაფარში წასვლა.

შეგახსენებთ, რომ McDonald's-მა უკრაინაში არსებული ყველა დაწესებულება 2022 წლის 24 თებერვალს რუსეთის უკრაინაში სრულმასშტაბიანი შეჭრის დაწყების შემდეგ დახურა. კომპანიამ განმარტა, რომ ეს უსაფრთხოების მიზნით მოხდა. რესტორნების გახსნაზე მოლაპარაკებას საგარეო საქმეთა სამინისტროც შეუერთდა. მინისტრმა დიმიტრი კულებამ ადრე განაცხადა, რომ სააგენტო McDonald's-ის საკითხს განიხილავს არა მხოლოდ უკრაინის წარმომადგენლობასთან და კომპანიის გლობალურ შტაბთან, არამედ აშშ-ს მთავრობასთან ოფიციალურ შეხვედრებზე.

ივნისში მაკდონალდსის აღმასრულებელმა დირექტორმა უკრაინაში იულია ბადრიტდინოვამ Forbes-თან ინტერვიუში განაცხადა, რომ ქსელი ემზადება თავისი დაწესებულებების უკრაინაში გასახსნელად.

აგვისტოში კომპანიის პრესსამსახურმა გაავრცელა ინფორმაცია, რომ McDonald's-ის რესტორნები დედაქალაქსა და ქვეყნის დასავლეთ რეგიონებში გასახსნელად ემზადებიან.

გასული წლის სექტემბრიდან მაკდონალდსმა ხელახლა გახსნა რესტორნების 60%-ზე მეტი ქვეყნის ცენტრალურ და დასავლეთ ნაწილებში.