მე ვარ თქვენს გვერდით, იმიტომ, რომ თქვენ წარმოადგენთ თავისუფალ საქართველოს, იმ საქართველოს რომელიც თავის მომავალს ხედავს ევროპაში და არავის მისცემს უფლებას, რომ ეს მომავალი წაართვას,- ამ სიტყვებით მიმართა ნიუ იორკიდან სალომე ზურაბიშვილმა რუსთაველზე შეკრებილ აქციის მონაწილეებს, რომლებიც ე.წ აგენტების რუსულ კანონს აპროტესტებენ.
პრეზიდენტმა პარლამენტში წარმოდგენილ ე.წ აგენტების კანონს ანტიკონსტიტუციური უწოდა, კანონის მხარდამჭერ დეპუტატებს კი კონსტიტუციის დარღვევები.
„ეს კანონი, რომელიც არავის სჭირდებოდა, არსაიდან არ მოდის, თუ არა მოსკოვის კარნახით, არის გასაუქმებელი, არანაირად არაა გასაგზავნი ვენეციის კომისიაში. დავადებ ვეტოს, არ მაინტერესებს მისი მუხლობრივი განხილვა, მაინტერესებს კონსტიტუცია, რომელშიც წერია, ევროინტეგრაციის გზა უნდა იყოს დაცული, ვინც ამ კანონს გზა მისცა ყველა არღვევს კონსტიტუციას და გვაშორებს ამ გზას,“- აღნიშნა პრეზიდენტმა. სალომე ზურაბიშვილმა მიმართა ელჩებს რეაგირებისთვის.
მიმართვის ბოლოს, პრეზიდენტმა პროტესტის მონაწილეებს თანადგომა კიდევ ერთხელ გამოუცხადა:
„ჩვენ ერთად ვართ დღეს, ერთად ვიქნებით და გავიყვანთ ქვეყანას ევროპაში, ამის პირობას გაძლევთ მე, რადგან ეს პირობა ჩემ თავს მივეცი დიდი ხნის წინ.“- აღნიშნა პრეზიდენტმა.
სალომე ზურაბიშვილი
