მეცნიერთა საერთაშორისო ჯგუფმა მიაღწია გარღვევას იმის იდენტიფიცირებაში, თუ როგორ იწვევს ჰაერის დაბინძურება ფილტვის კიბოს ადამიანებში, რომლებიც არასდროს არ ეწევიან. აღნიშნული შეიძლება დაეხმაროს სამედიცინო ექსპერტებს სიმსივნეების თავიდან აცილებაში და მკურნალობაში — აღნიშნულთან დაკავშირებით ინფორმაცია FT-ი ავრცელებს.  

მკვლევარებმა აღმოაჩინეს, რომ დაბინძურებული ჰაერის წვრილი ნაწილაკები იწვევს ფილტვებში ანთებას, რაც ააქტიურებს უკვე არსებულ კიბოს გენებს, რომლებიც მიძინებული იყო. ადრე ითვლებოდა, რომ ჰაერის დაბინძურება იწვევს გენეტიკურ მუტაციებს, რაც კიბომდე მიგვიყვანს.

დასკვნები, რომელიც ეფუძნება ლონდონის ფრენსის კრიკის ინსტიტუტის მიერ ჩატარებულ კვლევას და დაფინანსებულია დიდი ბრიტანეთის  მიერ, გამოქვეყნდა სამედიცინო ონკოლოგიის ევროპის საზოგადოების კონგრესზე შაბათს პარიზში.

მსოფლიოში ყოველწლიურად დაახლოებით 300 000 ფილტვის კიბოთი სიკვდილის მიზეზი ხდება ძალიან წვრილი დამაბინძურებლების ნაწილაკები, რომელთა დიამეტრი 2,5 მიკრონი ქვემოთ, ცნობილია როგორც PM2.5, რომლებიც გამოიყოფა მანქანების გამონაბოლქვისა და წიაღისეული საწვავის წვის დროს.

„ჩვენმა კვლევამ ფუნდამენტურად შეცვალა ფილტვის კიბოს შეხედულება იმ ადამიანებში, რომლებსაც არასდროს მოუწევიათ მოწევა“, - თქვა პროექტის ლიდერმა ჩარლზ სვანტონმა, ლონდონის საუნივერსიტეტო კოლეჯის კიბოს მედიცინის პროფესორმა. „კიბოს გამომწვევი მუტაციების მქონე უჯრედები ბუნებრივად გროვდება ასაკთან ერთად, მაგრამ ისინი ჩვეულებრივ არააქტიურები არიან. ჩვენ ვაჩვენეთ, რომ ჰაერის დაბინძურება აღვიძებს ამ უჯრედებს ფილტვებში, ხელს უწყობს მათ ზრდას და პოტენციურად სიმსივნეების წარმოქმნას.

წყარო: ft.com