მეცნიერებმა გამოაქვეყნეს კვლევა, რომელიც ნაწილობრივ პასუხობს კითხვას, რა იწევს და რომელ პაციენტებს ემუქრებათ გახანგრძლივებული Covid-ის განვითარების რისკი. ნაშრომი სამეცნიერო ჟურნალ Cell-ში გამოქვეყნდა.

მეცნიერები ცდილობენ უკეთ გაიგონ და იწინასწარმეტყველონ გახანგრძლივებულ Covid-ი, რომლის დროსაც პაციენტები გამოჯანმრთელებიდან თვეების შემდეგ კვლავ აწყდებიან ჯანმრთელობის პრობლემების ფართო სპექტრს. 50-ზე მეტი მკვლევრის ჯგუფმა აღმოაჩინა რამდენიმე ადრეული მარკერი, რომელიც, როგორც ჩანს, დაკავშირებულია გრძელვადიან სიმპტომებთან, მიუხედავად იმისა, იყო თუ არა საწყისი ინფექცია მძიმე.

კვლევის თანახმად, ადამიანები, რომლებსაც აქვთ კორონავირუსის მოცირკულირე ფრაგმენტები, სპეციფიკური ანტისხეულები, რომლებიც მიმართულია საკუთარი ქსოვილების ან ორგანოების წინააღმდეგ, ცნობილი როგორც ავტო-ანტისხეულები და ეპშტეინ-ბარის ვირუსი, უფრო დიდი რისკის ქვეშ არიან.

მკვლევრები დააკვირდნენ 309 პაციენტს საწყისი დიაგნოზიდან გამოჯანმრთელებამდე ორი ან სამი თვის შემდეგ და შეადარეს ისინი ჯანმრთელ საკონტროლო ობიექტებს. მათ გააანალიზეს სისხლის ნიმუშები და ცხვირის ნაცხი, გააერთიანეს მონაცემები პაციენტების სამედიცინო ჩანაწერებთან და სიმპტომებთან.

სამი თვის შემდეგ, პაციენტების ნახევარზე მეტს აღენიშნებოდა დაღლილობა, ხოლო მეოთხედს - ხველა. სხვებს აღენიშნებოდათ კუჭ-ნაწლავის პრობლემები.

საერთო ჯამში, მეცნიერებმა მიუთითეს ეპშტეინ-ბარის ვირუსის რეაქტივაციაზე, რომელიც სხეულში მიძინებულია და SARS-CoV-2-ის მოცირკულირე ფრაგმენტები დიაგნოზის დროს, როგორც ფაქტორები, რომლებიც შეიძლება პროგნოზირებდეს გაჭიანურებულ Covid-ს. იგივე მოხდა რამდენიმე ავტო-ანტისხეულთან, მათ შორის ლუპუსთან ასოცირებულებთან. მათ ასევე დაადგინეს, რომ რესპირატორული სიმპტომების მქონე პაციენტებს ჰქონდათ ჰორმონ კორტიზოლის დაბალი დონე.

მკვლევრებმა აღმოაჩინეს კორელაცია მეორე ტიპის დიაბეტსა და ხველას შორის. ასევე ქალები, რომლებიც განიცდიან ნევროლოგიურ სიმპტომებს და პაციენტებს, რომლებსაც ჰქონდათ გულის დაავადება ან ხველასთან დაკავშირებული პრობლემები, განიცდიან სუნის ან გემოს დაკარგვას.

კვლევის ავტორების თქმით, შედეგები მიუთითებს მკურნალობის პოტენციურ სტრატეგიებზე, მათ შორის ანტივირუსულ პრეპარატებზე, რადგან ისინი გავლენას ახდენენ ვირუსულ დატვირთვაზე და კორტიზოლის შემცვლელ თერაპიაზე დეფიციტური პაციენტებისთვის.

წყარო: Bloomberg, "ბიზნეს ფორმულა"