მეფე ჩარლზ III დედოფლისგან მემკვიდრეობით მიღებულ ლანკასტერის საჰერცოგოს მამულზე მემკვიდრეობის გადასახადის გადახდა აღარ მოუწევს, რადგან აქტივები ერთი სუვერენიდან მეორეზე გადადის. - ამის შესახებ ინფორმაციას გამოცემა  business insider ავრცელებს. გამოცემის ცნობით ჩარლზმა მემკვიდრეობით მიიღო მონარქის მთავარი შემოსავლის წყარო, ხოლო მისმა უფროსმა ვაჟმა პრინცმა უილიამმა კორნუოლის საჰერცოგო, რომელიც 1 მილიარდი დოლარად არის  შეფასებული. 

ახალი მეფე თავიდან აიცილებს მემკვიდრეობის გადასახადს 750 მილიონი დოლარის ღირებულების ქონებაზე, იმიტომ რომ 1992 წელს გაერთიანებული სამეფოს მთავრობამ მიიღო წესი, რომელიც იცავს სამეფო ოჯახის აქტივებს განადგურებისგან იმ შემთხვევაში  თუ ორი მონარქი მოკლე დროში მოკვდება.

ეს დებულება პირველად 2002 წელს განხორციელდა, მაშინ როდესაც დედა დედოფალმა ელიზაბეტ II - ს დაახლოებით 80 მილიონი დოლარის ქონება გადასცა, მათ შორის იყო ფაბერჟეს კვერცხების კოლექცია. პუნქტში ჩაიწერა, რომ სამეფო ოჯახის წევრებს არ უწევდათ 40% -იანი გადასახადი 325 000 ფუნტის ქონებაზე. აღნიშნულმა  ქონებამ, შარშან 24 მილიონი ფუნტი გამოიმუშავა. 1702 წელს მიღებული კანონი მონარქს აქტივების გაყიდვას უკრძალავს. 

1993 წელს დედოფალმა სამკვიდროზე მოგების გადასახადის ნებაყოფლობით გადახდა დააწესა, სწორედ ამ ნაბიჯს მიყვება ჩარლზიც.

ლანკასტერის საჰერცოგოს ქონება, რომელიც მე -13 საუკუნიდან მოდის მისი ვებგვერდის მიხედვით, შედგება კომერციული, სასოფლო-სამეურნეო და საცხოვრებელი ობიექტებისგან, მათ შორის ფინანსური ინვესტიციების პორტფელისაგან. ის ასევე მოიცავს18000 ჰექტარ მიწას ინგლისსა და უელსში.