პირველი წარმატებული პროექტის შემდეგ, კომპანია „ბიოდიზელი ჯორჯია“ განაგრძობს ახალი, ინოივაციური, ეკო-მეგობრული, „მწვანე“ პროექტების და იდეების გენერირებას და განხორციელებას საქართველოში.

ამ მიზნით მან შექმნა შვილობილი კომპანია „გრინ ჰაბი“ – Green Hub, ეს უკანასკნელი თავის მხრივ აერთიანებს კომპანიებს, რომლებიც მწვანე ინდუსტრიაში და ცირკულარულ ეკონომიკაშია ჩართული და ისეთ საქმიანობას ეწევა, როგორიცაა: მეორადი (მოხმარებული) მინერალური ზეთის შეგროვება და გადამუშავება, ნახმარი საბურავების გადამუშავება, ბიომასის გადამუშავება მისგან ენერგიის მიღების მიზნით, ბიოგაზის წარმოება, სხვადასხვა სახის ნარჩენების შეგროვება, მათი სეპარაცია და გადამუშავება.

ამგვარი აქტივობით „მწვანე ჰაბი“ განავითარებს ცირკულარულ ეკონომიკას საქართველოში, ხელს შეუწყობს სუფთა და ჯანსაღი გარემოს შექმნას და ამასთან ერთად, დაეხმარება საქართველოს მთავრობას სათბური გაზების შემცირების ვალდებულებების შესრულებაში.

როგორც  „ბიოდიზელი ჯორჯიაში“ განმარტავენ, Green Hub - ის პროექტი ახალი იმპულსს მისცემს ცირკულარული ეკონომიკის შემდგომ განვითარებას, საქართველოში შეიქმნება ახალი სამუშაო ადგილები, გაიზრდება ქვეყნის ეკონომიკა და შეიქმნება სუფთა, ჯანსაღი გარემო.