უკრაინის მთავრობაში ცვლილებებია.  განათლების მინისტრის პოსტზე სერჰი შკარლეტს ოქსენ ლისოვი შეცვლის,  მეცნიერებათა მცირე აკადემიის (MAS) დირექტორი და უკრაინის შეიარაღებული ძალების სამხედრო მოსამსახურე.

ოქსენ ლისოვი დაიბადა 1972 წელს მასწავლებლების ოჯახში. მისი მამა, ვასილ ლისოვი, ცნობილი დისიდენტი და უკრაინული „სამიზდატის“ ორგანიზატორი იყო, ვასილ ლისოვი ასევე გამოდიოდა ავღანეთში საბჭოთა შეჭრის წინააღმდეგ. მან 11 წელი გაატარა გადასახლებაში და გაათავისუფლეს 1983 წლის ივლისში.

ვინაიდან უმაღლესი განათლება მიუწვდომელი იყო დისიდენტების ბავშვებისთვის, ოქსენ ლისოვიმ პირველად დაამთავრა რეშეტილივკას ხალხური რეწვის ხელოვნების სკოლა კერამიკის სპეციალობით. ის არის მე-3 კატეგორიის მეთუნე. მამის რეაბილიტაციის შემდეგ ოქსენი სწავლობდა კიევის კულტურისა და ხელოვნების ეროვნულ უნივერსიტეტში ბიბლიოთეკისა და საინფორმაციო სისტემების სპეციალობით.

ლისოვი მართავდა 17 წლიდან სამხატვრო წრეებს სკოლებში და ასწავლიდა ფარიკაობას სკაუტების ორგანიზაციაში, ტარას შევჩენკოს ნაციონალურ უნივერსიტეტის კიევის ისტორიულ კლუბში და კიევ-მოჰილას კოლეჯში.

სოცმედიაში იმასაც წერენ, რომ 23 წლის ასაკში ოქსენ ლისოვი ბიზნესში წავიდა. მშობლებისგან ნასესხები 200 დოლარით ბენზინგასამართი სადგური გახსნა , რომელიც მალევე გახდა მომგებიანი.

ინტერვიუში მან ახსნა, თუ რატომ წავიდა მეცნიერებაში: „...მქონდა ჯიხურები, მაღაზიები... ვთქვათ, ავაშენე სახლი, ავაშენე მის გარშემო მაღალი ღობე და შიგნით ყველაფერი მშვენივრადაა. მე მაინც ვიმოგზაურებ ამ სახლის გარეთ... არ იქნება საკმარისი ჩემი ეზოს დალაგება, მე უნდა გავასუფთაო ჩემი ქუჩა, ჩემი ქალაქი, ამისთვის წესრიგი უნდა მოვიყვანო ამ ქალაქებში მცხოვრები ადამიანების გონებაში.ამიტომ ყველაზე საინტერესო და პერსპექტიული ხალხის თავებში არეულობის მოწესრიგებაა,“

2010 წლიდან ოქსენ ლისოვი არის უკრაინის მეცნიერებათა მცირე აკადემიის (JAS) ეროვნული ცენტრის დირექტორი.

მოგვიანებით, 2012 წელს, ოქსენ ლისოვმა დაიცვა დოქტორის ხარისხი ფილოსოფიურ ანთროპოლოგიასა და კულტურის ფილოსოფიაში, ხოლო 2015 წელს მიენიჭა ასოცირებული პროფესორის წოდება.

2012 წელს განათლების დარგში უკრაინის სახელმწიფო პრემიის ლაურეატი გახდა საგანმანათლებლო წვლილის გამო. 2021 წელს მას მიენიჭა უკრაინის განათლების დამსახურებული მუშაკის საპატიო წოდება.

2020 წლის სექტემბერში,  მეცნიერებათა მცირე აკადემიის პრეზიდენტთან სტანისლავ დოვისთან ერთად, მან წამოიწყო უკრაინაში პირველი მეცნიერების მუზეუმის დაარსება, რომელიც გაიხსნა კიევში, უკრაინის ექსპოცენტრში.

რუსეთის სრულმასშტაბიანი შემოჭრის დაწყებისთანავე, იგი შეუერთდა უკრაინის ჯარს, კერძოდ, უკრაინის შეიარაღებული ძალების 95-ე დამოუკიდებელი საჰაერო თავდასხმის ბრიგადას როგორც მოხალისე.

„ვიკნასთან“ ინტერვიუში ლისოვი აცხადებდა რომ ის საბრძოლო დავალებებს ასრულებდა, როგორც ქვედანაყოფის მეთაური, მაგრამ არ იღებდა ხელფასს უკრაინის შეიარაღებული ძალებიდან და ინარჩუნებდა თავის ძირითად სამუშაოს და დისტანციურად ასრულებდა თავის მოვალეობებს.