„საძოვრების პრობლემა უკვე ძალიან სერიოზულად დადგა, ვისაც მიწები არ აქვს, უკვე ძალიან უჭირს, ვისაც ცოტა მიწის ნაკვეთები გვაქვს, კიდევ არაგვიშავს“, – „კომერსანტი“ ზესტაფონის მუნიციპალიტეტის სოფელ როდინაულში მცხოვრებ ფერმერს გელა ჭულუხაძეს ფერმერების ძირითად გამოწვევებზე, პროდუქციის რეალიზაციისა და წარმოების პრობლემებზე ესაუბრა.
გელა ჭულუხაძე ამჟამად 300 სული მსხვილფეხა რქოსანი პირუტყვისგან შემდგარ ფერმას მართავს, რომლის შექმნაც 12 წლის წინ დაიწყო. ფერმერი აღნიშნავს, რომ რძის პროდუქტების წარმოება თითქმის განახევრებულია ძირითადად საძოვრების პრობლემის გამო, ამიტომაც ეტაპობრივად საქონლის რაოდენობის შემცირება უწევს.
„თუ საძოვარი არ გვექნება, ბუნებრივია ქვეყანაში რძის ნაწარმის მოცულობაც შემცირდება. ხელშეწყობა სჭირდებად გლეხებს, რომ რამე აამუშავონ ამ ქვეყანაში.
როცა ხორცის გაყიდვა
გინდა გადამყიდველები, რომლებიც 20 ლარად ჰყიდიან, შენს პროდუქტში 10 ლარს გთავაზობენ.
ეს ჯაჭვი უნდა დარეგულირდეს.
მე დიდი ფერმა
მაქვს, 300 სული საქონელი მყავს, მაგრამ საძოვრების არასაკმარისობის გამო შევამცირეთ.
მიმდებარე ტერიტორიები გაყიდულია კერძო მესაკუთრეზე. ჩვენ 45 ჰექტარი გვაქვს, რასაც
ნაწილს საძოვრად ვიყენებთ, ზოგს სახნავ-სათესად.
ქართული ჯიშის
ხბოები შევიძინე და ორ წელიწადში უკვე მეწველი ძროხები მყავდა.
ქართული პირუტყვის რძის ნაწარმს საუკეთესო გემოვნური
თვისებები აქვს, მაგრამ სამწუხაროდ იმ მოცულობის ნაწარმს ვერ ვიღებთ, რაც რეალურად
შეგვიძლია“, - ამბობს ფერმერი.
ასოციაცია „მომავლის ფერმერის“ თავჯდომარემ რუსუდან გიგაშვილმა ცოტა ხნის წინ „კომერსანტთან“ მერძევეობის დარგზე და მასში არსებულ პრობლემებზე ისაუბრა.
როგორც გიგაშვილი გვიყვებოდა, სექტორს ერთმანეთის მიყოლებით საკმაოდ ძლიერი მოთამაშეები ტოვებენ, რის მიზეზადაც, ძირითადად, რენტაბელობის პრობლემა სახელდება. გიგაშვილი ამბობს, რომ საქართველოში პირუტყვის საკვები მთავარი პრობლემაა, რადგან მაღალპროდუქტიული ჯიშების წარმადობა მთლიანად პირუტყვის სწორ და დაბალანსებულ კვებაზე დგას. მისივე თქმით, საქართველოში ძალიან მწირი საკვები ბაზაა და ეს ყოველთვის ასე იყო და ტენდენცია კვლავ გრძელდება, განსაკუთრებით იმ ფონზე, როდესაც ქვეყანაში არსებული მიწის რესურსების ნახევარი სახელმწიფოს ხელში, ხოლო აუთვისებელი და გამოუყენებელი მიწის რესურსი სურათს უფრო ამძიმებს.
კომერსანტი