წლის ბოლომდე ქვეყანაში ფულადი გზავნილების მოცულობა 4 მლრდ დოლარს მიაღწევს, - აცხადებს Galt & Taggart-ის ეკონომისტი ლაშა ქავთარაძე. როგორც ეკონომისტმა BMG TV-ს ეთერში განაცხადა, მიმდინარე წელს ასეთი დონის გზავნილები მოულოდნელი იყო, რაშიც 50%-მდე უკვე რუსეთიდან გზავნილების წილია.

„ფულად გზავნილებზე, ეს მოულოდნელი იყო მიმდინარე წელს ასეთი დონის გზავნილების მიღება. დაახლოებით 1 მლრდ-ით მეტი შემოვიდა 10 თვეში, ვიდრე 2021 წელს და ამაში რუსეთიდან გზავნილების წილი არის 1 მლრდ. ანუ 1 მლრდ-ით მეტი შემოვიდა ქვეყანაში რუსეთიდან ამ მიგრაციის ეფექტის გამო.

ბოლო წლების ტენდენციას თუ გადავხედავთ, რუსეთიდან გზავნილებზე შემცირების ტენდენცია იყო. ბოლოს 20%-საც კი ჩამოსცდა, მაგრამ ახლა უკვე 50%-ს უახლოვდება რუსეთიდან გზავნილების წილი მთლიან გზავნილებში.
3,3 მლრდ დოლარის გზავნილი გვაქვს 10 თვეში და როგორც ადრე ვთქვით, გამორიცხული არ არის, რომ წლის ბოლომდე ფულადმა გზავნილებმა 4 მლრდ-ს მიაღწიოს.

რაც შეეხება ევროკავშირის ქვეყნებს, ევროკავშირის ქვეყნებიდანაც იზრდება ფულადი გზავნილების მოცულობა. თუმცა ეს დინამიკა ნახტომისებური არ არის“, - განაცხადა ლაშა ქავთარაძემ.

შეგახსენებთ, რომ 2022 წლის ოქტომბერში ქვეყანაში შემოსული ფულადი გზავნილების ნაკადების მოცულობამ 502.0 მლნ აშშ დოლარი (1398.5 მლნ ლარი) შეადგინა, რაც 142.9%-ით (295.3 მლნ აშშ დოლარით) მეტია 2021 წლის ოქტომბრის ანალოგიურ მაჩვენებელზე.

უცხოეთიდან საქართველოში ფულადი გზავნილების 98.0% იმ 23 უმსხვილეს პარტნიორ ქვეყანაზე მოდის, საიდანაც გზავნილების მოცულობა ოქტომბერში თითოეულზე 1 მლნ აშშ დოლარს აღემატებოდა. იმავე 23 ქვეყანაზე გასული წლის ოქტომბერში მთელი ფულადი გზავნილების 92.3% მოდიოდა.

2022 წლის ოქტომბერში საქართველოდან საზღვარგარეთ 31.4 მლნ აშშ დოლარი (87.5 მლნ ლარი) გადაიგზავნა, რაც 2021 წლის ოქტომბრის (30.3 მლნ აშშ დოლარი) ანალოგიურ მაჩვენებელთან შედარებით 3.7%-ით მეტია.

რაც შეეხება იანვარ-ოქტომბრის სტატისტიკურ მაჩვენებლებს: