სამხრეთ უკრაინაში, ქალაქ მიკოლაევში, ოკუპანტების საჰაერო თავდასხმას უკრაინის ერთ-ერთი უმდიდრესი ბიზნესმენი ალექსეი ვადატურსკი და მისი მეუღლე ემსხვერპლნენ, - ამის შესახებ BBC წერს.
74 წლის ვადატურსკი და თავისი მეუღლე რაისა მაშინ დაიღუპნენ, როდესაც რაკეტა მათ სახლს მოხვდა.
ბიზნესმენი ფლობდა კომპანია Nibulon-ს, რომელიც მარცვლეულის ექსპორტითაადაკავებული. ვადატურსკის უკრაინის გმირის წოდება აქვს მინიჭებული. Forbes-ის 2020 წლის შეფასებით, ალექსეი ვადატურსკი $450 მილიონს ფლობდა.
„ბატონმა ვადატურსკიმ ბევრი რამ გააკეთა მიკოლაევის რეგიონისთვის და ზოგადად უკრაინისთვის. მისი წვლილი სოფლის მეურნეობისა და გემთმშენებლობის ინდუსტრიის, რეგიონის განვითარებაში, ფასდაუდებელია“, - ასე გამოეხმაურა ბიზნესმენის დაღუპვას მიკოლაევის ოლქის გუბერნატორი ვიტალი კიმი.
იერიშის დროს, არაერთი საცხოვრებელი სახლი, ასევე, სასტუმრო, სპორტული კომპლექსი, ორი სკოლა და ავტოგასამართი სადგური დაზიანდა.
NIBULON-ის ცენტრალური ოფისი მდებარეობს ქალაქ მიკოლაივში, რომელიც არის უკრაინის სამხრეთ ნაწილის რეგიონალური ცენტრი.
რეგიონი ითვლება აგრარულ რეგიონად. ისტორიული დოკუმენტების მიხედვით, მე-19 საუკუნისბოლოს ეს რეგიონი მარცვლეულის წარმოებაში ლიდერებს შორის იყო. გარდა ამისა, მიკოლაივი მნიშვნელოვანი საზღვაო სატრანსპორტო კვანძია.
საქმიანობის 30 წლის განმავლობაში, NIBULON-მა შექმნა უნიკალური მარცვლეულის ლოჯისტიკურიინფრასტრუქტურა უკრაინაში, რომელიც შედგება მარცვლეულის და ზეთის თესლის მიღების,შენახვისა და გადაზიდვის ტერმინალებისა და კომპლექსებისგან, მაღალი ტევადობის ფლოტისაგანდა წარმოების ფილიალებისაგან, რომლებიც წარმოდგენილია უკრაინის მასშტაბით.
2009 წელს NIBULON-მა დაიწყო თავისი საინვესტიციო პროექტის განხორციელება მდინარეებისდნიპროსა და სამხრეთ ბუჰის აღორძინების მიზნით. ამჟამად კომპანიის ქსელი შედგება 27 გადატვირთვის ტერმინალისგან და კომპლექსისგან მარცვლეულისა და ზეთის თესლის მიღების,შენახვისა და გადაზიდვისთვის, კერძოდ 445 სილოსი მარცვლეულის შესანახად, რაც უკრაინაშიყველაზე დიდი რაოდენობაა.
NIBULON მომსახურებას უშუალოდ ფერმერებს უწევს; 2020/21 მარკეტინგულ წელს კომპანიამ შიდაბაზარზე 4500 სასოფლო-სამეურნეო საქონლის მიწოდების ხელშეკრულება გააფორმა.