“მიკროჩიპების დეფიციტმა ძალიან შეაფერხა წარმოება და იმედია აღმოვფხვრით“ - ამის შესახებ რადიო “კომერსანტის“ საახალწლო ეთერში Citroen Automobiles Georgia-ს მმართველმა პარტნიორმა ილია თაბორიძემ თქვა. მისი თქმით 2021 წელი, როგორც ყველა სხვა კომპანიისთვის Citroen Automobiles Georgia-სთვისაც საკმაოდ რთული და გამოწვევებით სავსე იყო.
“როგორც ყველა ბიზნესისთვის, 2021 წელი ჩვენთვისაც რთული იყო, მაგრამ რაღაც დადებითი ასპექტები მაინც გვქონდა, რა თქმა უნდა გაყიდვების იმ დონეს, რაც დაგეგმილი გვქონდა ვერ მივაღწიეთ, მაგრამ 2021 წლის გეგმებს ძალიანაც არ ჩამოვრჩებით. მიკროჩიპების დეფიციტმა, წარმოების პროცესი ძალიან შეაფერხა არა მარტო ფრანგული კომპანიებისთვის, არამედ მთელ მსოფლიოს ავტომწარმოებლებისთვის“, - აღნიშნა ილია თაბორიძემ
თაბორიძის თქმით გამომდინარე იქიდან, რომ ბრენდიც ხელს უწყობს, 2022 წელს იმედიანად უყურებს
“ჩვენ ბაზარზე ახალი კომპანია ვართ, 2019 წელს დავიწყეთ აქტივობა, გამომდინარე იქიდან რომ თვითონ ბრენდი ხელს გვიწყობს 2022 წელს საკმაოდ ბევრი გეგმა გვაქვს და დიდი იმედი მაქვს , რომ ყველა ის პრობლემა რაც ავტომწარმოებლების მხრივ შეგვექმნა აღმოიფხვრება, იმიტომ რომ ყველა გვპირდება რომ მეორე კვარტლის ბოლოსთვის ეს პრობლემა მოგვარდება და ავტომობილები უწყვეტად იქნება მოწოდებული“, - აღნიშნა ილია თაბორიძემ.
თაკო კვაჭანტირაძე