2022 წლის პირველი კვარტალი მიკროსაფინანსო ორგანიზაციებმა 28 457 642 ლარის წმინდა მოგებით დახურეს. ეს კი 5,452 მლნ ლარით, ანუ 23,7%-ით მეტია წინა წლის ანალოგიურ პერიოდთან შედარებით. 2021 წლის პირველ კვარტალში მისო-ებმა 23 004 839 ლარის წმინდა მოგება მიიღეს.
საქართველოს ეროვნული ბანკის ვებ-გვერდზე გამოქვეყნებული კონსოლიდირებული ფინანსური ანგარიშგების მიხედვით, 2022 წლის პირველ კვარტალში მისო-ების მთლიანი აქტივები შეადგენდა 1,641 მლრდ ლარს (წინა წლის ანალოგიურ პერიოდში - 1,539 მლრდ ლარს), მთლიანი კაპიტალი კი 595,2 მლნ ლარი იყო (წინა წლის ანალოგიურ პერიოდში - 512,2 მლნ ლარი.
დოკუმენტის მიხედვით, 2022 წლის პირველ კვარტალში მისო-ების საპროცენტო შემოსავალმა 84,090 მლნ ლარი შეადგინა, საიდანაც ფიზიკურ პირებზე გაცემული სესხებიდან სექტორმა 76,223 მლნ ლარი მიიღო, იურიდიულ პირებზე გაცემული სესხებიდან საპროცენტო შემოსავალმა კი 1, 670 მლნ ლარი შეადგინა.
ამასთან, საანგარიშო პერიოდში მისო-ების არასაპროცენტო შემოსავლებმა 16,379 მლნ ლარი შეადგინა.
ანგარიშის მიხედვით, 2022 წლის პირველ კვარტალში ბაზარზე 38 მიკროსაფინანსო ორგანიზაცია ოპერირებდა.