დუბაი არის ქალაქი, რომელმაც მთელი მსოფლიოს ყურადღება მიიპყრო. ნავთობ- ეკონომიკის აღზევებასთან და ინდუსტრიულ რევოლუციასთან ერთად, დუბაი წარმატებით გახდა ერთ-ერთი უმდიდრესი ქალაქი მსოფლიოში. ის ერთ-ერთი ყველაზე მომხიბვლელი ადგილია დედამიწაზე, სადაც ტურისტები მსოფლიოს ყველა წერტილიდან მიემგზავრებიან და დანამდვილებით შეიძლება თქმა, რომ დუბაის ვიზიტისას თქვენ დაუვიწყარ, ზღაპრულ გარემოში მოხვდებით.

დუბაის მოკლე ისტორია

1833 წელს 800-მა ადამიანმა “ბანი იას“ კლანიდან დღევანდელ დუბაიში პირველი პატარა სოფელი დააარსა. ისინი მაშინ ადგილის ბუნებრივი შესაძლებლობებით მოიხიბლნენ. მოგვიანებით რეგიონი თევზაობის მოკრძალებულ კერად გადააკეთეს. ნელ-ნელა ამ ჯგუფს ახლო აღმოსავლეთის არაბი მომთაბარეები - ბედუინები შეუერთდნენ.

1960-იან წლებში დუბაის ეკონომიკა მხოლოდ ვაჭრობას და ნავთობის მოპოვების შეღავათიან შემოსავლებს ეყრდნობოდა. 1969 წელს, როდესაც ნავთობის შემოსავლების მნიშვნელოვანი ნაწილის გადინება დაიწყო, დუბაი სწრაფად განვითარდა. დიდი თანხების ინვესტირებით განხორციელდა მნიშვნელოვანი ცვლილებები, განვითარდა ინფრასტრუქტურა. რეორგანიზაცია განიცადა საგანმანათლებლო სფერომ, აშენდა ახალი სკოლები, საავადმყოფოები და ა.შ.

გზა უდაბნოდან აყვავებულ ქალაქამდე

1968 წლიდან 1975 წლამდე დუბაის მოსახლეობა 300%-ით გაიზარდა. ეს განაპირობა ნავთობის საბადოების აღმოჩენამ ქვეყნის მასშტაბით. ყველაზე მნიშვნელოვანი კი ის ფაქტი გახდა, რომ მიღებული შემოსავალი არა ცალკეულ პიროვნებებს, არამედ ინსტიტუციების განვითარებას მოხმარდა.

1894 წელს მიღებულმა ახალმა წესებმა გაათავისუფლა ემიგრანტები გადასახადებისაგან, რამაც შემდგომი რეგიონში ვაჭრობის განვითარებას მისცა სტიმული. ამან გამოიწვია ქალაქში უცხოელი მუშაკების მასიური შედინება.

მიუხედავად იმისა, რომ ეს იყო შედარებით აყვავებული დრო დუბაის ისტორიაში, ქალაქი მაინც მთლიანად იყო დამოკიდებული თევზაობაზე, ვაჭრობაზე და დაივინგიზე. ხოლო როდესაც 1950-იან წლებში იაპონიაში ყალბი მარგალიტები შეიქმნა, რეგიონის ეკონომიკური სისუსტე აშკარა გახდა. თუმცა, ეკონომიკური კოლაფსი ხანმოკლე იყო. დუბაის ქონება მკვეთრად შეიცვალა 1966 წელს, როდესაც იქ ნავთობი აღმოაჩინეს.

გზა დიდებისკენ

დუბაის განვითარება შეიხ რაშიდ ბინ საიდ ალ მაქტუმმა დაიწყო. მან მდინარის სანაპიროს მახლობლად მდებარე ტერიტორიების თანამედროვე პორტებად გარდაქმნა დაიწყო. რაშიდის პორტი, ჯებელ ალის პორტი, დუბაის დრაიდოქსი, დუბაის კრიკის გაფართოება და დუბაის მსოფლიო სავაჭრო ცენტრი იყო რამდენიმე მნიშვნელოვანი პროექტი, რომელიც ამ დროის განმავლობაში განხორციელდა.

დუბაის ზრდა ნახევარ საუკუნეზე ნაკლები დროით გაგრძელდა - აშენდა თანამედროვე შენობები, მათ შორის ბურჯ ალ არაბი და ბურჯ ხალიფა. დუბაი მუდმივად ცდილობს დაგეგმოს ტურისტული და ბიზნესის მომზიდველი პროექტები.

ბოლო ოცდაათი წლის განმავლობაში დუბაის მოსახლეობა 2 785 000-მდე გაიზარდა. დუბაის საზღვაო საქმიანობა მისი შემოსავლის ერთ-ერთი მთავარი წყაროა და შესაძლოა, არაბეთის გაერთიანებული საემიროების ყველაზე ღირებული კომერციული აქტივები. ეს არის ყველაზე დატვირთული პორტი ახლო აღმოსავლეთში.

საგადასახადო შეღავათების, საბაჟო გადასახადის შეღავათებისა და უცხოური საკუთრების ლიმიტების არარსებობის გამო, დუბაი ხდება მსოფლიო ეკონომიკური ცენტრი.

წყარო: www.therichest.com, bpn.ge