NDI-ის კვლევის თანახმად საქართველოში მოსახლეობისთვის ყველაზე დიდ პრობლემად სიღარიბე სახელდება. მმართველი პარტიის მხარდამჭერთა 51%-იც აღიარებს, რომ ამ მიმართულებით ბოლო 10 წელიწადში მდგომარეობა გაუარესდა. ქართული ოცნების მხარდამჭერთა 30%-ზე მეტს ანალოგიური დამოკიდებულება აქვს კრიმინალის, ტერიტორიული მთლიანობისა და განათლების ხარისხის შეფასების მხრივაც.
ეკონომიკური მდგომარეობას გაუარესებულად ოპოზიციის მხარდამჭერთა 88% და იმ რესპოდენტთა 81% მიიჩნევს რომლებსაც მათთვის მისაღები პოლიტიკური პარტია არ დაუსახელებიათ.
ყველაზე დიდი სხვაობა მმართველი პარტიისა და ოპოზიციის მხარდამჭერთა შორის კრიმინალის თემამ გამოიწვია. კერძოდ ქართული ოცნების მომხრეთა 23% ფიქრობს რომ ბოლო 10 წელიწადში კრიმინოგენური მდგომარეობა გაუმჯობესდა, 31%-ის აზრით კი გაუარესდა, მაშინ როცა კრიმინალი შემცირებულად ოპოზიციის მხარდამჭერთა მხოლოდ 2%-ს მიაჩნია, 83% კი ფიქრობს რომ მდგომარეობა გაუარესებულია.
საინტერესოა ტერიტორიული მთლიანობასთან არსებული დამოკიდებულებაც. მდგომარეობას გაუმჯობესებულად ქართული ოცნების მხარდამჭერებშიც კი მხოლოდ 5% მიიჩნევს 7-ჯერ მეტი 35% კი ფიქრობს რომ მდგომარეობა გაუარესდა.
ოპოზიციურად განწყობილ ამომრჩევლებში შედარებით მაღალი მხარდაჭერა სამედიცინო მომსახურებაზე ხელმისაწვდომობისა და სიტყვის თავისუფლების გაუმჯობესებას აქვს. ოპოზიციის მხარდამჭერთა 23% ფიქრობს, რომ სამედიცინო მომსახურებაზე ხელმისაწვდომობა გაიზარდა, 27%-ის აზრით კი სიტყვის თავისუფლების ხარისხიც გაუმჯობესდა.
გამოკითხულთა 83% ევროკავშირში გაწევრიანების, ხოლო 77% ნატოში ინტეგრაციის მომხრეა, თუმცა იმავე კვლევის მიხედვით როგორც ერთ ასევე მეორე ალიანსს აქტუალურ საკითხად რესპონდენტთა მხოლოდ 2% მიიჩნევს.
გამოკითხულთა 41% აცხადებს რომ მხარს არც ერთ პარტიას არ უჭერს, 12% პასუხისგან თავს იკავებს, 24%-ისთვის ყველაზე მისაღები ქართული ოცნებაა, 9%-ისთვის ნაციონალური მოძრაობა.
რაც შეეხება კორონავირუსს გამოკითხულთა 50% მიიჩნევს რომ მთავრობა პანდემიას კარგად მართავს, მაგრამ 37% ფიქრობს რომ ყველაზე ცუდი ჯერ კიდევ წინ არის.
ვაქცინასთან დაკავშირებულ კითხვაზე გამოკითხულთა 29%-მა განაცხადა რომ უკვე აიცრა, 25% თანახმაა აცრაზე, 42% წინააღმდეგი, 3%-ს კი პასუხი არ აქვს.