ამერიკული ბიოტექნოლოგიური კომპანია Moderna Inc. 2021 წლის მეოთხე კვარტალში მოგებაზე გავიდა და შემოსავლები 12-ჯერ გაზარდა, მის ვაქცინაზე არსებული მოთხვნის შედეგად.

კომპანიის სუფთა მოგებამ ოქტომბერ-დეკემებრში 4,8 მლრდ დოლარი შეადგინა, მაშინ როცა წინა წლის ანალოგიურ პერიოდში 272 მლნ დოლარის წაგება ჰქონდა.

ამასთან, კომპანიის კვარტალურმა შემოსავლებმა შეადგინა 7,2 მლრდ დოლარი, წინა წელს კი 571 მლნ ჰქონდა.

კომპანიის ვაქცინების გაყიდვებიდან მიღებულმა შემოსავლებმა შეადგინა 6,9 მლრდ დოლარი, მაშინ როცა წინა წელს 200 მლნ დოლარი ჰქონდა. სულ Moderna-მ 297 მლნ დოზა ვაქცინა გაყიდა, მაშინ როცა 2020 წელს 13 მლნ ჰქონდა გაყიდული. COVID-19-ის საწინააღმდეგო Moderna-ს ვაქცინა ნებადართულია სასწრაფო გამოყენებისთვის შტატებსა და კანადაში 2020 წლიდან.

ამასთან, კომპანიის ინფორმაციით მას უკვე აქვს 19 მლრდ დოლარის ვაქცინაზე შეკვეთა 2022 წლისთვის.

სულ კი გასულ წელს Moderna-მ 12 მლრდ დოლარის სუფთა მოგება მიიღო, მაშინ როცა 2020 წელს 747 მლნ დოლარის წაგება ჰქონდა. ამასთან, 2021 წელს კომპანიას 18,47 მლრდ დოლარის შემოსავალი მიიღო.

bpn.ge